2013濟州釜山賞櫻遊Day6下

釜山賞櫻遊  迎月路櫻花

Day 6 - 2013年3月31日 星期日  晴

冬柏公園 - 海雲台沙灘 - 迎月路/迎月嶺

住宿: 東橫INN 釜山站1 (包早餐及WiFi, 約80000韓元一晚)


食完又要繼續行程, 先行返去海雲台沙灘嗰邊, 經過海邊見有棵櫻花樹, 好難得見到有水做背景的櫻花, 所以要影下

行到海雲台沙灘已經見到好長車龍, 本來打算搭的士去海月亭附近, 然後由上而下走, 就不用走回頭路, 慢慢行返落來, 中途又可考慮去Vesta Spa & Fitness試下汗蒸幕, 見到咁, 唯有再行前少少睇下再打算

行行下, 見到海雲台沙灘有好多顏色人在踢波

原來有Party慶祝Holi Hai, 以前睇電視旅遊節目見過尼泊爾都有這個節慶 

佢地個個塊面及衣服都染滿晒顏料, 行過去影佢地時, 都有少少驚比佢地整顏料過來

呢邊D人就玩到顛晒, 海邊就相對靜態好多, 行沙灘, 餵海鷗

離開沙灘, 行到一間酒店門口, 看到有個的士司機在等客, 就問佢去唔去海月亭, 但他做手勢叫我們行去, 應該係太塞車, 唔想上海月亭, 唯有沿著沙灘慢慢行去

過咗沙灘好快就見到火車軌

之後再行上條小斜路就到迎月路入口處

櫻花樹果邊就係迎月路入口處

由OPS行到迎月路入口, 睇返時間, 原來不知不覺就行咗一個鐘, 其實條路唔太長, 約2公里, 只係我地行下睇下

下圖有1字的位置就是迎月路入口, 綠色線就係在迎月路行的路線

開始上迎月路, 已經有好多滿開的櫻花樹

行上少少已經見到一座熟識的塔, 在好多遊記都見過, 這座可算是迎月路的地標塔

基本上周圍都係人, 稍有棵大櫻花樹, 要影就要慢慢等

見到有個大叔上了這間酒店的停車場影相, 就跟住去

兩個方向都見到長長車龍

及人群, 可能是星期日的關係, 賞櫻的人流不絕, 想影張身邊少D人的相都幾難

想影Closeup都唔易, 隨時撞倒人又或者比人阻著

沿途人群和車龍都係咁多

見到這個牌就表示差不到達海月亭

海月亭周圍環境

過咗海月亭, 有一個小廣場

有小攤檔賣工藝品

廣場一邊係對住個海

這裡的車和人更加多

行上去Alexander餐廳, 可以高少少影下周圍

仲未見到櫻花路盡頭, 所以決定到此為止, 沿路折返

去到海月亭, 周邊一帶有很多咖啡店, 各大連鎖店都有分店在這裡

有間叫面食家, 有好多人排隊

回程就行另一邊的行人路

因為櫻花樹在另一邊行人路, 所以行得舒服些

經過Vesta Spa & Fitness

又行入隔離間餐廳睇睇

再周圍影下就離開

今日在迎月路所行的路線, 由迎月路入口開始計, 到折返迎月路入口, 大約兩個半小時

離開了迎月路後, 就行返去中洞站, 路過一處地方, 好似係outlet, 有好多品牌的商店, Shopping完改去附近的錦繡河豚, 食early dinner, 位於中洞站附近的是總店, 只有在總店可以食到河豚剌身, 不過太貴, 沒有吃

店內

Menu

前菜

河豚鍋分辣及不辣, 而我們就點了二款不辣的河豚鍋, 好似係不同品種的河豚, 這個就比較清甜, 15000韓元

這個就10000韓元, 味道比較淡味, 整體來說都幾好味, 都值得一試

之後就行返去海雲台站搭車, 路過海雲台傳統市場

由於時間尚早, 而今次旅行又未去過E-mark, 所以坐返轉頭去中洞站間E-mark行下, 順便買些手信, 見到個口罩幾好, 買咗個試下, 另外, 這裡像香港一樣, 要收膠袋費的, 我們就買了兩個紙袋, 每個w100, 但再出到門口, 就見到有很多免費紙箱放一邊, 供客人自助包裝

見到Cafe Bene出品的Coffee, 再加兩個蕃薯包, 要來做明天早餐, 因為會一早出發, 去今次旅行的重點 - 鎮海

返到酒店, 抖一陣, 就再落去釜山站, 睇下有無消夜吃, 原來酒店後面有一列排檔, 不過就唔太啱食

而火車站內又無好選擇, 再去火車站對面周圍行下, 最後選擇了Lotteria, 點了兩個Burger,  意外地又幾好味喎

今天行程的大約位置