【台北宜蘭自駕遊】Day6 台北象山步道

台北宜蘭自駕遊  台北象山步道

Day 6 - 9月30日  星期日  晴

行程: 阜杭豆漿 - 華山創意園區 - 松山文創園區 - 吳寶春麵包 - 濱江果菜市場 - 象山步道 - 72牛肉麵 - 台北新驛旅店二館

住宿: 台北新驛旅店二館 (雙人客房, 每晚2450台幣)

要數台北最有人氣的早餐店, 非阜杭豆漿莫屬, 早幾年已經想去試下, 但諗起要食就係開檔前去到, 或者晏啲去排長龍等侯, 兩個都係痛苦選項, 本應打算走嗰日開檔前去食, 食完之後行下就啱啱好返酒店退房走人, 可惜如意算盤打唔響, 因為撞正星期一係公休日, 唯有提前一日, 諗著今朝五、六點起身出動避開人潮, 但始終敵不過睡魔, 搞到九點幾先出動行去華山市場, 當時諗返應該直接坐小黄過去, 唔應該行路浪費時間。由酒店行去善導寺站沿途景物

阜杭豆漿位於捷運善導寺站的華山市場內, 在華山市場外已經排了長長人龍, 立即過去排隊, 而同伴就去視察人龍數量, 大大話話都應該有二百人左右, 好彩只係排咗大約一個鐘就有得食

排到上二樓就見到阜杭豆漿個開放式廚房, 裡面係用石爐以炭火來烤餅

其實阜杭豆漿是位於華山市場二樓的其中一間食店, 但全場的客人幾乎是為它而來

阜杭豆漿各款食物

排咗咁耐點都要盡量食多幾款食物, 最後買了兩碗鹹豆漿, 厚餅夾油條, 薄餅夾蛋, 蘿蔔絲酥餅及凍豆漿, 全部都係215台幣, 真心覺得好抵食

鹹豆漿唔係唔好味, 只係唔太啱口味, 我們亦唔識欣賞, 都係鐘意傳統甜豆漿口味

凍豆漿豆香清甜, 燒餅及蘿蔔絲新鮮熱辣, 不過要排咁耐, 值不值真係見人見智

食完走人時, 人龍比之前仲長咗, 圍著華山市場打蛇餅

順路行去鄰近的華山創意園區

行完華山創意園區, 就去幾個地方買手信, 有新假期介紹的源味本舖手作潤唇膏, 舖頭在松山文創園區附近

所以又去埋松山文創園區內的吳寶春麵包店, 但原來已經搬咗去象山區, 尾站去埋濱江果菜市場一趟, 買完生果後返酒店休息

四點鐘出動到象山步道睇日落和101大樓夜景, 由象山站出來就見到象山公園

公園有路線圖介紹象山步道, 由象山站行一小段路就到達象山步道入口

步道路徑圖, 今日嘅目的地係超然亭, 大約在地圖右上角的步道出入口位置

步道附近一帶似係高尚住宅區

一開始已經係好斜嘅石級路, 認真攞命

沿路有好多裝飾, 其中有好型的象山櫈

在初段路程, 已經見到101大樓

第一個攝手平台, 全部都係人

六巨石觀景台, 好多人排隊爬上大石影相

另一個攝影平台

沿路的巨樹神石

來到逸賢亭, 補水及小息一下, 之後行多一段平路就到目的地

由象山公園到超然亭大約行一小時, 到達超然亭觀景台已經五點半了, 最好位置已經俾一班老外佔據了, 好彩勉强在老外後面搵到個位, 亦及時趕到睇日落

由夕陽消失, 到整片天空被紅色晚霞覆蓋再轉黑, 過程為時約一小時, 非常精彩

落山時在攝影平台停下來, 相比超然亭的位置, 呢度景觀差一截

沿路返到步道入口, 見有檔口賣雪條, 食枝雪條消下暑, 每枝15台幣

順道去吳寶春麵包店睇下, 未到七點所有麵包已經沽清

麵包店門口可以睇到101大樓

坐捷運去食晚餐時, 剛巧坐上米奇號列車

今晚去咗72牛肉麵食晚餐

炒滷味小碟(120台幣)

三寶麵(220台幣)

半筋半肉麵(220台幣), 呢間嘅牛肉麵都唔錯

返酒店前, 路過寧夏夜市, 見到粢飯檔得幾個人排隊, 諗著有口福, 原來係將近沽清

今晚便利店所買的甜品(63台幣)

還有台北所買的手信, 有峰大咖啡

便利店所買的聯成快車肉乾乖乖

透明膠袋, 間舖名叫『袋袋相傳』, 幾有意思

行李牌

源味本舖的手作潤唇膏

濱江果菜市場的水果

受朋友所託的一條根膏貼

上一篇: 台北宜蘭自駕遊 Day 5
下一篇: 台北宜蘭自駕遊 Day 7