【極地極晝格陵蘭之旅】Day9 Whale Safari觀鯨團

丹麥及格陵蘭之旅  Whale Safari觀鯨團

Day 9 - 7月6日  星期五  晴

行程: Ilulissat伊盧利薩特 - 藍線觀景台 - Whale Safari

住宿: Icefiord Apartments (1155克朗)

格陵蘭最後一個活動是觀鯨團Whale Safari, 七點四十五分在WOG門口集合, 食完早餐就行落去集合點, 團友大致到齊, 約有十三人, 不過見到領隊續一跟各人說話, 然後他們就離開, 原來今早的團要取消, 可以選擇退款或改為參加十二點的團, 我們沒有其他安排, 退團又要蝕信用卡匯率及手續費, 所以選擇參加十二點的觀鯨團

呢段時間無事做, 決定去多一次藍線觀景台欣賞冰海風景

今日天色非常好, 沿路看到的浮冰景非常鮮明突出

藍線觀景台

裝好腳架拍攝timelapse後, 就靜靜欣賞這片美景

好快過了個多小時, 又到回程時間了

從步道起點到公寓之間的景物

吃過簡單午餐後, 又去集合參加觀鯨團

WOG觀鯨團, 每位1195克朗, 另信用卡加收2.95%手續費。下午天色依然是個大藍天, 好適合出海活動

雖然天氣好, 但在船外企耐了會好寒, 預寒三寶手套、帽及頸巾一定要有

遠離海灣後, 冰量變得稀疏

船長應該好用心打理自己的船, 雖然艘船不太新, 但內外非常整潔, 玻璃窗更洗到閃閃令, 船艙內有四組四人卡位, 艙內有熱茶咖啡供應。沿途船長及領隊一直人肉尋找鯨魚踪影, 原來並無儀器幫手

大部分團友都上了舺板守候鯨魚, 因為外海好少浮冰, 船外又好寒, 留在艙內更為舒服, 望住船長不停人肉尋找鯨魚, 稍有發現, 船長就好好人叫我來睇, 不過全部流料

今次有群海豹, 頭岳岳邊游邊周圍昅著, 好似偷渡客游水咁

經過Ilimana村莊

因為認得Ilimana近海有幾排三角小屋Ilimanaq Lodge, 沿海一帶浮冰量近似零, 好彩最後都無計劃過來

船長發現有條鯨魚游向內海, 一路跟入內海, 咁都好, 就算無鯨魚睇, 都有冰山睇下影下

終於見到鯨魚露背了

船長繼續追蹤它, 其後都只見佢露露背, 噴噴水

周圍都係浮冰, 應該唔會飛身擺尾咁蠢, 否則隨時撞冰身亡, 無鯨魚擺尾睇, 冰山景色更吸引

繼續航程, 最後連鯨魚都跟甩了

尋尋覓覓再不見鯨魚踪影, 船長盡了最大努力後, 開始快速回程

沿海不斷看到不同浮冰景色, 雖然最終看不到鯨魚跳躍擺尾, 但在藍天下欣賞冰山, 亦是個出海的好節目。近岸一帶海面非常平靜, 不難發現清晰的冰山倒影

全個行程開足四個小時, 全完無呃鐘, 返回碼頭前, 經過Hotel Icefiord

地標教堂一帶

及Hotel Hvide Falk

今天所乘坐的船隻, 值得一讚是玻璃窗洗得好乾淨, 就算在船艙內也可以清楚觀賞海面景色

回程有小巴接送, 跟車到酒店走一轉

上網後, 爭取最後機會, 周圍行多轉, 不知何時再有機會來格陵蘭了！

地標教堂一帶

博物館

經過博物館附近的Hong Kong Cafe, 入去八卦下, 見到好多本地人幫襯, 順道買了炸雞餐, 加餸做晚餐

除留起兩個杯麵做明日晚餐, 今晚要將其餘食物清晒, 加埋Hong Kong Cafe所買的炸雞餐(65克朗), 有半隻炸雞及薯條, 全部即叫即炸, 熱辣辣, 算得上好味抵食, 不過而家睇返幅相, 原來今晚食咗個加大碼junk food套餐！

上一篇: 丹麥及格陵蘭之旅 Day 8
下一篇: 丹麥及格陵蘭之旅 Day 10