2019年3月10日 星期日

【極地極晝格陵蘭之旅】Day4 Ilulissat步道之藍紅混合線

丹麥及格陵蘭之旅  Ilulissat步道之藍紅混合線

Day 4 - 7月1日  星期日  短暫天晴

行程: Ilulissat伊盧利薩特 - 藍紅混合

住宿: Icefiord Apartments (1155克朗)

Ilulissat(伊盧利薩特)是格陵蘭最受歡迎的旅遊地點, 原因係附近有冰海美景的Ilulissat Icefjord(冰峽灣), 每日由東面的大冰川Sermeq Kujalleq所釋放的冰塊, 在流入Disco Bay(迪斯科灣)及大西洋前, 會先流入峽灣累積, 因而形成一個獨特的冰峽灣。鎮外有幾條遠足步道, 係欣賞冰峽灣的絕佳路線, 亦係Ilulissat的主要及唯一的免費節目, 到Ilulissat的遊客必定體驗的活動。在步道起點的介紹, 大致分成紅線、黃線、藍虛線及藍線四條, 今日會行紅線及藍虛線。以下步道路線圖可於www.kangia.gl下載
以手上物資製作的簡單早餐
另備一份簡單便當, 留作之後行步道時食用
出發前個多月, 開始留意當地天氣, 基本上全是多雲或有雨, 晴天日子絕無僅有, 所以有足夠心理準備天氣不會太好。今早出動時天色非常陰暗, 先到鎮內走走, 隨後再作打算, 在公寓外已看到World of Greenland旅行社離公寓不遠
沿大路行落去, 兩邊都有店舖, 當中又見很貴的Canada Goose, 星期日好多店舖無營業
World of Greenland旅行社簡稱WOG, 去過或計劃要去格陵蘭都識佢, 因為多數人會幫襯WOG
WOG在十字路口的一角, 本地旅行社都集中在十字路口一帶, 另一角有IceCap Tours及相連一起的Cafe Iluliaq
左邊有兩大排外觀相同的住宅, 據聞係類似公屋的本地住宅
IceCap Tours對面的紅屋, 後來只有一日遇見開門, 才知道是魚市場, 當日只賣獨沽一味, 好似肝臟的血腥肉類, 大叔見我係遊客, 好好人咁介紹話係Sea Seal, 驚我唔識再指下屋仔左上角果隻
從WOG旁的小路行往碼頭方向, 又見另一間超市, 內有新鮮麵包售賣
當地手工藝店
免費博物館
再有一間超市Spar, 營業時間更早, 朝六晚七
位於碼頭附近的紀念碑
呢度有張新造的長櫈對著個冰海
紀念碑旁邊有個小狗場, 四周乾淨涼爽, 環境好過步道附近的大型狗場
呢間屋屋主是接送我們往返機場的司機, 因為往後日子, 見佢好悠閒咁坐在露台上, 細問之下, 原來佢就係屋主, 睇返幅相原來佢亦在相中出現!
沿Napparsimaviup大街行去鎮內大教堂, 途中會經過三大酒店之Hotel Hvide Falk
看似是出租的apartment
Ilulissat醫院
醫院門口有個巴士站, 有齊路線圖及各站資料, 但唔知係咪仲正常運行, 巴士站仲泊咗架好乾淨嘅7號巴士, 不過全個Trip未見過有巴士在鎮內行駛
Zion's Church我哋覺得全個鎮最靚嘅位置, 閒來無事都會過來坐下放空!教堂只在星期日開放, 如果想入教堂, 就只得星期日早上的機會
今天星期日, 剛巧見有一家人穿著傳統格陵蘭服裝參加教堂彌撒
先來一幅全女班, 佢哋嘅服飾相當豔麗, 而且非常簇新, 再來一幅全家福, 男性嘅服飾就單調得多, 只係對鞋有些少圖案
教堂對開的海岸係鎮內欣賞冰海最佳地方, 亦可以接觸沖上岸邊的冰塊
穿梭浮冰之間的觀光船
每日嘅指定動作, 除咗去Zion's Church放空睇浮冰外, 就必定跟手行埋去酒店上網, 所以經過前後兩排十二楝嘅住宅區無數次, 住宅區前的紅屋係博物館
來到Icefiord Hotel見到reception登了三日天氣預報, 明天出太陽, 因為明天是出發到Eqi的日子, 心情變得大好, 好開心。酒店餐廳
餐廳外面的露天座位, 景觀一流
酒店向海的客房, 近中間位置的客房似乎稍為被餐廳阻擋
酒店告示版貼有很多local tours資訊, 還有介紹Greenlandic Buffet, 根據格陵蘭觀光資訊, 三大酒店Hotel Arctic、Icefiord Hotel及Hotel Hvide Falk在夏季每星期有一天提供Greenlandic Buffet, 可以品嚐極地食物, 如海鳥、海豹、鯨魚等食品, 當然要視乎當時捕獲而定, 另Hotel Arctic會有一天供應BBQ晚餐, 而Icefiord Hotel即有一天供應跟香港無關的Hong Kong Grill, BBQ晚餐
酒店外觀
另一邊向海客房的角度
天氣開始好轉, 要返公寓食午餐, 以及更換裝備再出發行步道
Ilulissat Guesthouse擁有不錯海景, 最殺風景係用木卡版做咗個簡陋門牌
回程途中, 都忍唔住要行多轉教堂, 唯恐藍天機會不復再
Zion's Church附近另一間小教堂
多咗些少陽光, 景色完全變靚晒!
我們最鐘意的放空位
天色越來越好了, 心情亦越來越興奮!
教堂正門, 彌撒後就關門大吉!
近岸一帶有獨木舟中心
Hotel Hvide Falk
快食一個午餐後, 立即出發
首先要行過令我哋十分惶恐的狗場路
在起點的步道介紹, 步道分為紅線、黃線、藍虛線及藍線四條, 資料跟第一幅圖相同, 但資料有些少錯誤, 紅線全長0.5公里, 實際距離為1公里, 單程須時約0.5小時, 而藍虛線全長為2.7公里, 但估計距離約只有1公里, 即由起點舊直升機場至Sermermiut, 相信2.7公里是指由舊直升機場至Seqinniarfrk, 即是紅線接合點。今日決定由藍虛線開始行到Sermermiut, 再行藍線去到Seqinniarfrk, 然後轉行紅線回程到直升機場止, 全程不難行, 連影相、食嘢、Hea睇風景時間, 只係用了2.5小時。藍虛線全段是棧道, 十分易行
近海一段棧道穿過昔日的伊盧利薩特居民定居地Sermermiut, 曾經是格陵蘭最大定居地之一, 現成荒廢遺跡
回望起點
棧道尾段建有木梯, 從這裡能俯視整個Sermermiut外的海灣
爬上木梯盡頭後, 眼前變成一片冰海景色, 非常震撼
急不及待改向海岸邊方向走去, 盡量近距離欣賞冰峽灣
過了木梯後, 路徑變回山路, 眼前山坡上的枱櫈約為藍虛線的終點
這個位置的景觀比走近海岸邊更好, 難怪裝了枱櫈作中途休息觀景站
在這裡邊用新買的小米機試玩下timelapse, 邊欣賞浮冰景色, 真係好震撼
最美味的下午茶
天色越來越好
我們下午茶的位置, 而小米機就在另一張長櫈默默工作
中間橫線步道就是藍虛線的棧道
停留了大半小時後, 繼續藍線, 沿途的山路, 高低起伏不大亦不難行
出發前心急忘記換電, 沿途要就著影相, 由藍線起仲要改用小相機
呢段藍線一直沿海邊行, 係全藍線入面最靚部分
雖然沿路觀景差不多, 但依然不斷停下拍攝
手機全景
沿途有藍點標示, 迷路機會不大
由前至後的景色
藍線及紅線交界點前, 可眺望Kuuniataaq前的海邊, 下次行全藍線時會行過Kuuniataaq
藍線及紅線交界點, 今日到此為止, 走紅線拆返起點
進入紅線後, 慢慢遠離冰海
曾經睇過人講沿路有好多野藍莓, 可惜未有發現
看見彩色屋, 終點在望
終點位置在雪狗場附近
由紅線起點至藍線交接點應為1公里
藍線黃線起點分別在左右棧道, 而由這裡到公寓亦要廿分鐘路程
起點路標
藍線有段路有落石情況, 要兜路而行
黃線起點行兩分鐘就有個高位觀景處
一邊望向冰海
另一邊望向來路
雪狗場背景好似環境不錯
但近睇全是沙石垃圾, 環境惡劣
鎮內排名第一的Mamartut餐廳, 每次行去舊直升機的步道時, 都會經過餐廳, 原本計劃今晚到Mamartut食飯, 可惜星期日休業
餐廳有個Greenlandic Tapas套餐, 供應各款當地食品, 似乎好過食Greenlandic Buffet
鎮內球場, 其實周邊環境麻麻
但影相出來效果就可以呃到人
體育館旁的墓地
體育館後面又有另一間超市, 營業時間至晚上十一點
又忍唔著兜路經教堂返公寓
因為叫Hong Kong Cafe, 印象特別深刻, 但跟香港無關連
住宅區前的紅屋是收費博物館
外有民居遺跡
博物館
Zion's Church
今晚晚餐, 自製韓式拌飯配串燒, 以及格陵蘭出產的汽水, 12克朗一支
唔夠食, 要追煮多一個即食芝士意粉
入夜後開始變天, 心諗明天真係會放晴!

上一篇: 丹麥及格陵蘭之旅 Day 3
下一篇: 丹麥及格陵蘭之旅 Day 5

4 則留言:

  1. 好靓,自製食物好吸引。你有吃 seal 嗎?

    回覆刪除
    回覆
    1. 你咁寫, 好似燒(Seal)肉咁, 哈哈! 今日無, 明天會飲燒(Seal)肉湯!

      刪除
  2. 超市都好勤力,傍晚會很冷嗎?

    回覆刪除
  3. 因為係全晝嘅月份, 無分日夜, 厚雲或落雨就凍, 約十度似下左右

    回覆刪除