2019年2月21日 星期四

【極地極晝格陵蘭之旅】Day3 Ilulissat伊盧利薩特

丹麥及格陵蘭之旅  Ilulissat伊盧利薩特

Day 3 - 6月30日  星期六  大致天晴

行程: 丹麥哥本哈根 - 格陵蘭Kangerlussuaq - 格陵蘭Ilulissat

住宿: Icefiord Apartments (1155克朗)

經過兩日哥本哈根市觀光後, 終於開始重點的格陵蘭行程, 心情較為緊張忐忑, 尤其擔心住宿問題。早上六點前就要出發, 未到七點到達哥本哈根機場, 原來機場內並無格陵蘭航空的專屬櫃台及自家地勤, 要等到起飛前兩小時才顯示櫃台位置, 所以先去搵櫃台位置, 終於在某處發現蛛絲馬跡, 在有利位置等待, 當櫃台開始運作時, 早人一步取得登機証, 總算略為安心後, 入閘搵Lounge食個免費早餐, 非常簡單的歐陸式早餐
前幾篇曾提及過, 格陵蘭國際機場位於西岸的Kangerlussuaq, 由丹麥到格陵蘭各地, 必須先到Kangerlussuaq, 再轉小型飛機到其他城鎮, 所以第一程機先飛Kangerlussuaq, 原定航程為09:15 - 09:55, 因兩地有四小時的時差, 實際飛行時間應為4小時40分, 今天略有阻滯, 延遲了超過半小時。上機時我們的特區護照更被誤認為强國護照, 要求出示簽証, 最終地勤要叫咪, 等待確認後才能放行
機上的娛樂設備已經out晒, 座位前仍然使用古董七寸mon, 睇遠處嘅大電視更加清楚
今日哥本哈根市依然勁好天, 附近的海岸線睇得一清二楚
今程機只有一餐飛機餐, 空少以傳統模式派餐, 先上飲品, 再上主食, 然後咖啡或茶, 最後收餐, 前後四轉, 全程他他條條, 其間不時跟乘客吹下水, 雖然較慢, 但過程令人感覺舒服輕鬆, 井井有條, 反觀我們的香港模式, 一味靠快, 前行派飲品主食, 退後時派咖啡茶, 全程令人感覺急亂馬虎, 到收餐時又要漫長等待, 質數完全比下去。餐飲人人都點兩款以上, 所以要了可樂及丹麥汽水Faxe Kondi
另一款格陵蘭航空的圖案, 內裡包含幾類具代表性的生物
途經冰島上空, 但雲層太厚乜都睇唔到
進入格陵蘭上空後, 雪層轉薄, 終於看到這個冰封國度
遠處還有一條巨型冰川
可惜很快變回白茫茫一片, 能見度極低
快將降落Kangerlussuaq
Kangerlussuaq機場無接駁橋, 落機後要行入機場大樓
進入大樓後, 馬上見到免稅店, 幾乎人人都衝去買酒
主要售買汽水、酒、糖、朱古力, 各款罐裝汽水約6克朗, 唔覺特別平, 所以空手而出。其後在Kangerlussuaq及Ilulissat的超市見到, 全部入口罐裝汽水約賣20克朗, 難怪所有人都買一大袋汽水啤酒上機
離開國際線禁區就是機場大堂, 亦是內陸線侯機區, 右邊的詢問處接受本地團報名, 有足夠轉機時間的話, 可考慮參加幾小時的Ice Cap Point 660團或相關的Russell Glacier團, 曾經亦有考慮在Kangerlussuaq住一晚, 到Russell Glacier遊玩一下, 不過看過一個韓國旅遊節目介紹Russell Glacier後, 覺得流流地, 所以無再考慮停留Kangerlussuaq。詢問處左邊的通道就是Hotel Kangerlussuaq及餐廳的入口
另一邊是Air Greenland櫃台及郵電局
連接著機場大樓的Hotel Kangerlussuaq及其附屬餐廳, 餐價尚價合理
經餐廳旁邊的出口行出機場大樓就是Kangerlussuaq的打卡點, 這個距離標示牌可以話係小鎮Kangerlussuaq的地標, 最特別係設有與北極點的距離, 兩地相距只需三小時十五分機程, 可惜當時天色不太好, 看到亦不覺太興奮
由於航機遲到, 令轉機時間只有約兩小時, 但已經足夠遊覽Kangerlussuaq有餘。機場大樓入口, 似地盤寫字樓多過國際機場航厦, 入口一旁是商店、的士站及巴士站
由機場大樓行出馬路口, 有間小型便利店
對面就是鎮內的超市Pilersuisoq
馬路口左邊不遠處已是出租小屋Polar Lodge, 往後已看不到任何建築物
鎮內大部分建築物及民房都集中在馬路口右邊方向
先是郵電局
及一些商舖, 就連Canada Goose都有獨立舖
跟著有兩列貌似出租的排屋
然後有一楝類似民居的建築, 以及巴士站
然後已經見到出鎮的路牌, 由頭行到尾亦只不過五分鐘步程左右, Kangerlussuaq果然係個小鎮, 唔留宿絕對正確。夏天的格陵蘭有嚴重蚊患問題, 周圍都有很多蚊, 而且非常大隻, 短短幾分鐘時間, 同伴腳眼旁已經中招, 腫到好似有兩粒腳眼咁, 當時非常擔心有沒有敏感問題, 好彩只是紅腫, 但嚴重紅腫情況維持近大半日, 之後才開始消腫, 不過其後日子有兩次額角中招, 好似額角生咗粒鵪鶉蛋咁, 破壞心情!
最後當然要行下超市Pilersuisoq, 對比小鎮, 超市規模明顯大得多, 起初以為這邊的超市物價指數會較平, 因為其它地方都要經Kangerlussuaq轉運, 所以買了少許食物, 其後發現價錢及種類跟Ilulissat相約, 不必浪費氣力在這裡入貨, 但如需大量酒類及汽水的話, 反而值得在免稅店入貨
由Kangerlussuaq至Ilulissat係坐小型螺旋客機, 載客量約三十人, 坐位以2-2形式, 飛12:20 - 13:05, 機程45分鐘, 要留意呢程機不設劃位, 先上先揀, 網上資訊話不論華人老外都會爭上機霸好位, 所以相當緊張, 行完超市就立即返機場捕住, 不過情況不是預期, 根本無人排隊, 登機時間到了, 大家才斯斯然行出來, 我們亦順利地第一隊登機, 等候其間觀察客機窗口情況, 似乎所有窗口都被螺旋槳引擎阻擋, 估計第一行及最後的窗口位較佳
今程機有飲品及曲奇供應
第一行位置的觀景, 有螺旋槳翼相伴。窗外景色, 沿途好多地方都無被冰覆蓋
天色慢慢好轉, 心情亦越來越好!
不久眼前出現一片大冰海
好靚!好震憾!
突然一個大轉彎, 原來目的地Ilulissat已在下方
Ilulissat機場
從相當短少的行李帶上取回行李後, 行入大堂已經見到由幾張高枱組成的酒店接送區, 幾間酒店的司機已齊集等候, 相都不影了, 立即上前報到及爭取坐第一轉車, 因為九人車坐滿後要等下轉, 到時如有住房問題更難搞!
我們所訂的住宿是Icefiord Hotel的附屬Apartment, 包機場接送, 司機先載所有人到Icefiord Hotel辦理手續, 終於順利攞到房, 虛驚多時的問題沒有發生, 成個人安心晒!酒店有免費Wifi, 但只限酒店範圍, 攞定account, 有需要時隨時過來上網, 不過只得六日有效期
司機之後再車剩低的客人去apartment後, 然後煙咁快走人, 應該係再返機場接客, 而我們開門時又遇到問題, 鎖匙好似唔多啱, 開唔到門, 同行住客亦已經入晒屋, 唔係咁黑呀! 唔通要行返去酒店換匙?搞咗幾分鐘, 終於成功打開門, 之後再試, 証實條鎖匙有問題, 很難才開到鎖, 所以要返酒店換匙, 雖然另一條匙都有相同情況, 但算有改善
一連七間apartment呈L形, 中間有兩張公用戶外木枱
我們所住的G室, 四個不同角度, 地方唔算濶落但夠用, 鑊及煲好殘舊, 另從一些細微位見到日常保養好一般, 廚櫃門打開時突然鬆脫下來, 要用紙張攝住, 另住宿期間又無加添日用品, 如廁紙及洗潔精 
有微波焗爐, 但咖啡機及水壼好dirty
天花安裝了新的Wifi, 似乎好快就有無線網絡覆蓋
浴室濶落但只有兩卷半廁紙
七間apartment之中, J室位於最邊位, 可遠眺海邊, 應該係最好觀景
安頓過後, 先行去酒店上網報平安, 順便睇下周圍環境, 市內地圖, 留待往後才介紹小鎮
Apartment位處市中心, 以最為遊客熟悉的旅行社World of Greenland (WOG)只需三分鐘步程
先兜路去望下超市, 途中經過兩間餐廳, 由apartment外出搵食好方便
電器舖、便利店及油站
天氣好, 沿途見到的房屋顯得份外鮮豔奪目
超市Pisiffik, 估唔到開7收21
足球場
體育館及館外市集
確定超市位置後, 改由海邊馬路行去酒店, 可順道欣賞冰海美景
格陵蘭警察局
海邊小屋, 很多時都見到屋外建有小溫室
面對海景的Ilulissat Guesthouse
呢個較現代化的建築物, 一直都唔知係乜?
Hotel Icefiord, 酒店有個勁靚嘅海景!
格陵蘭路牌及回程隨影
今日以下午茶代替正餐, 選擇在Apartment附近的Cafe Inuit解決
Hot Chocolate with cream (42克朗)、Cafe Latte (38克朗)、比目魚三文治 (115克朗)及Home made cake (48克朗), 普普通通的下午茶, 盛惠243克朗, 好貴!
趁天氣好, 改變計劃, 提前行其中一條步道路線
由鎮上的足球場旁的馬路向舊直升機場方向走
途中經過狗場, 環境很惡劣, 我見到都覺得佢地慘, 愛狗人仕見到肯定好嬲, 除細狗外, 每隻雪橇狗都被鐡鏈縛著, 聽聞佢哋野性好强, 會襲擊人, 所以每次經過都驚驚地, 有很大心理威脅
Ilulissat小鎮是格陵蘭唯一的世界自然遺產
小鎮有三或四條步道路線分別為黃, 紅及藍線, 所有起點都在這裡 - 舊直升機場
酒店供應的列印版路線圖
紅、黃兩線之中作選擇, 不知之後天氣如何, 趁今日天氣好, 先行近海邊的黃線, 全長2.7公里
由於之後會再行黃線, 留待往後才作介紹, 今篇以相為主
起點處的觀景位, 已經看遠處的冰海
沿路都有黃點路標
先向墓地方向行
沿路景色
途中看到在下方的藍線木棧道
黃點最高點
開始落坡段, 觀色更靚
終於看到遠處有人影
其中一段落山路還未完全溶雪, 無著行山鞋, 結果波鞋濕晒
越來越近海邊
眼前冰海跟預期不同, 原本以為會好巨型, 表面會平滑
眼前七彩繽紛的小屋就是Ilulissat鎮中心
沿路最大感受係周圍好寧靜, 無任何人聲、雀鳥聲、昆蟲聲, 只有間中傳來小船的摩打聲, 浮冰爆列及下沉的聲音, 真係好鬼靜
因紐特人的舊居遺跡
Ilulissat鎮中心
黃線終點在小鎮的發電廠
終點處的石雕及觀景位
回程途中隨影
途經超市, 睇下超市物價, 肉類不貴
魚類選擇很少
除疏果類外, 其他食品亦不貴
Apartment窗外景觀
今趟旅程的自備食物
在Kangerlussuaq及Ilulissat超市所購買的食品
簡單的晚餐
六、七月份的格陵蘭是全晝的日子, 沒有黑暗時間, 如在好天氣的日子, 晚上十一時依然光亮
Apartment窗外景色, 可以看鎮內的連接橋

上一篇: 丹麥及格陵蘭之旅 Day 2
下一篇: 丹麥及格陵蘭之旅 Day 4

5 則留言:

  1. 飛機望出去好清呀! 架機都好大架
    睇見你d相我又心動想去冰島
    冰海好靚!

    回覆刪除
    回覆
    1. 可能飛得唔高, 加上天色好轉, 視野更加清楚。
      真心認同冰島自然景色變化很大, 又靚又特別, 所以我都好想再去, 但始終世界仲有好多想去又未去過地方, 未排到再去冰島, 如果你未去過, 應該盡快行動!

      刪除
    2. 就係未去冰島,計劃下🤣🤣

      刪除
  2. 我几年前去冰岛都有抄你功课,多谢

    回覆刪除