2018年8月9日 星期四

【台北聖誕之旅】Day3 十分平溪一天遊

台北聖誕之旅  十分平溪一天遊

Day 3 - 12月25日  星期一  多雲

行程: 西門町 - 十分 - 平溪 - 饒河夜市 - 西門町

住宿: 天雲旅棧台北西門町 (Deluxe Double with Balcony, 包輕食早餐, 三晚10260台幣)

宜蘭定十分平溪?出發前還未定好, 所以兩處地方都準備些少資料, 最後決定都係去十分及平溪。由台北市到十分, 可選擇坐火車由台北站到瑞芳站再轉平溪綫, 又或從捷運木栅站轉乘795巴士, 我們選擇後者, 諗著坐巴士, 可以輕鬆些少, 而且巴士班次比火車多, 較易預算, 但事實應該分別不大, 因為巴士未必有位坐。今早八點左右就要動身, 準備坐九點鐘巴士
到達木栅站後, 出口有指示795巴士站位置, 離捷運很近, 約八點四十五分到達巴士站, 原本我們是排頭位, 但見無人等, 先去一轉洗手間, 再巡下有無早餐食, 點知回頭再排隊時, 已經多了一班單車友, 呢一站有好多人上車, 幾乎企滿人, 差一步就無位坐
795巴士站路線圖
四十五分鐘車程到達十分車站, 本來計劃坐到總站遊客中心, 先行十分瀑布, 回頭再到十分車站, 但因為未食早餐, 所以提早在十分站落車搵食, 呢個時間車站已經有遊客放天燈了, 除了放天燈外, 十分車站最大特式就是火車路軌已經跟行人路融為一體, 無火車時, 大家都把路軌當成行人路
火車路軌兩旁多數是與天燈相關的舖頭, 舖外有掛架俾遊客在天燈上寫祝福語
各式各樣的天燈掛飾
牛軋糖
時間尚早, 看得上眼就只有這間榕樹下米粉湯
兩個湯米粉及兩款小食, 共220台幣, 除咗多油外, 味道亦算不錯
期間有火車駛過, 即時八掛下, 大家已經回到路軌兩旁了
火車一走, 大家又繼續在路軌上放天燈
在其中商店買了一個迷你天燈掛飾, 無光, 50台幣
沿路軌向十分車站行
就到另一景點靜安吊橋, 吊橋下面是基隆河
行完一轉靜安吊橋後, 又到對面十分車站行下
站口有十分幸福車站文具店, 感覺有點北海道帶廣幸福車站的氣氛
昨日錯過的溜哥雞翼, 今天有機會在原產地補食, 65台幣
仲有爆槳去骨雞腿捲, 唔好食又唔抵食, 40台幣
準備走人時, 又遇見火車到站, 感覺就在身邊駛過時, 回頭一看, 原來跟店舖相當接近
然後係十分最後的一個景點十分瀑布, 先由十分車站行十幾分鐘到十分遊客中心
十分瀑布公園地圖
由遊客中心開始, 先經過四廣潭橋
唔駛講旁邊應該就係四廣潭
四廣潭橋下面都係基隆河
之後再要行過觀瀑吊橋
十分瀑布公園
十分瀑布
快快行過後就回到十分遊客中心, 趕坐十二點幾的795巴士去平溪站
巴士站就在平溪鎮入口
行入平溪鎮不久, 頭頂上就出現一條好簡陋的火車橋, 睇落有啲牙煙
再行有平溪郵局, 可以順便買郵票
呢度有全台最老郵筒
買了一套郵票送給姪女, 135台幣
途經一間由老夫婦經營的商店, 他們說天燈全由他們用人手加以縫製, 不似其他商店的天燈只是粘貼, 見他們很用心經營, 所以幫襯了一盞天燈
大天燈, 有燈, 200台幣
平溪車站
相比十分, 在平溪放天燈的人明顯少得多, 期間只有班學生放天燈
經過一檔蔥油餅檔口, 三星蔥油餅, 40台幣
即叫即炸, 眼見好油淋淋, 食落脆口, 不過無乜蔥味, 嘥晒quota
老街範圍比十分車站還要細, 無乜嘢行, 又無啱食飯地方
都係唔等三點巴士, 直接由平溪坐火車走人, 唔知點解同伴去買火車票, 應該可以直拍悠悠咭
第一日落機坐的士時經過北門, 所以今日喺台北火車站落車, 行下北門一帶
北門
附近設有北門歷史資料及相關物品展覽
台北郵局
相機街, 第一次來台北就係住在相機街一帶, 原來離北門咁近
由北門散步返西門町, 沿路地上有各處歷史建築群介紹, 雖然幾有心思, 但係要不時向下望, 睇完兩、三個就會覺得唔太舒服
經過鴨肉扁, 提議入去食碗米粉, 回味下初次遊台北的時侯, 送上的米粉, 原來是肉片不是鴨肉, 共120台幣
阿宗麵線, 超多人圍著食, 興趣即時大打折扣
隨便買一碗返酒店試下, 70台幣
休息過後, 出動行夜市
目標在松山站
饒河夜市
早兩日已經想食鹽水雞, 但西門町嗰檔咁啱公休, 今日見到即刻排隊幫襯
半雞及腎, 145台幣
魷魚仔好似幾野味
都係幫襯呢檔魷魚大王, 二樓有雅坐, 可以餸鹽水雞
一碟120台幣, 幾好味
庶汁, 60台幣
掃街完畢, 急急腳返西門町食阿財虱目魚, 店舖晚上十點才開門, 網上說好多人排隊, 九點五十分去到, 已經有十幾廿人排隊, 本來排唔到第一輪, 好彩有個阿伯自己一個人食, 又肯受最多兩人搭枱, 就咁食到第一輪, 呢度唔受搭枱除非客人肯俾搭枱
菜單一目了然
魯肉飯, 30台幣
阿伯介紹的控肉飯, 50台幣
煎虱目魚肚, 250台幣
海鮮湯, 70台幣
三杯蛤, 250台幣
蛤蜊絲瓜, 200台幣, 呢餐以味道來說都OK, 一般小炒, 虱目魚又唔係特別出色, 如要排好耐先食到, 就不太值得
店內只有不足十張枱

上一篇: 台北聖誕之旅 Day 2
下一篇: 台北聖誕之旅 Day 4

3 則留言:

  1. 咁耐私只放過一次天燈,就是在平溪放。

    阿宗麵線都算做食過,不過食左一啖就掉了,原因是口感和聞到啲膠味頂唔順。

    回覆刪除
    回覆
    1. 天燈, 睇好過放!
      阿宗麵線, 講到點點點, 實際騙騙騙!

      刪除
  2. [天燈, 睇好過放!]
    認同,不過未放過又無咁既感覺。

    [阿宗麵線, 講到點點點, 實際騙騙騙!]
    我就覺得係,估你唔到你都有同感。

    回覆刪除