2018年8月1日 星期三

【台北聖誕之旅】Day1 大稲埕日落

台北聖誕之旅  大稲埕日落

Day 1 - 12月23日  星期日  晴

行程: 香港 - 台北

住宿: 天雲旅棧台北西門町 (Deluxe Double with Balcony, 包輕食早餐, 三晚10260台幣)

今個聖誕繼續有四日連假期, 選擇出走到台北一轉, 貪佢近近哋, 唔駛請假及毋須太多準備, 早半年已買了國泰機票, 早去晚返, 每位連稅HKD2725, 雖然唔算最抵, 但以聖誕檔期來說可以接受。今朝飛07:20, 坐頭班巴士約五點十五分到達機場, 但國泰櫃檯尚未開檔, 所以大家都亂排隊, 出現幾條隊, 將近五點半, 地勤才斯斯然出來, 準備開工, 個個都木無表情, 喪屍一樣!
今年機場的聖誕裝飾都好流下
只係隔個閘口放個公仔裝飾
其餘閘口就貼張聖誕海報
上機前, 仲夠時間食免費早餐
據聞國泰由上月開始回復短程有熱食供應, 點知繼續係cheap雞食物袋, 說好的焗豬飯/义燒飯/魚塊飯/葡汁雞飯全部無影
今程機係架好新的A330機
落機過關後, 隨意在中華電信買了5天數據卡包含50台幣通話費的Sim卡, 每張300台幣
今次係第二次來台北, 上次已經係2011年的事, 相隔七半, 今年機場捷運終於開通了, 往來機場與台北市更加方便
機場捷運線台北站閘口
今次住西門町, 雖然機場捷運線台北站連接台北捷運站, 但要行成十五分鐘, 再轉西門町站比較費時, 所以直接在機場線台北站出閘, 轉的士到西門町, 費用90台幣。今個Trip住天雲旅棧台北西門町店, Deluxe Double with Balcony, 包輕食早餐, 三晚10260台幣, 網上有些負評話酒店位於橫街不太好, 但其實不算太辟太靜, 行出大街都好近!寄存行李後, 立刻出動搵食
酒店旁邊是自家停車場入口
環繞酒店附近的橫街, 滿佈塗鴉畫作
其中一條橫街通往西門町大街, 呢度越來越有日本feel
One Piece專門店
誠品書店, 未開門已有人龍等候
路過鴨肉扁, 同幾年前略有不同, 新咗好多, 似再裝修過
西門町入口
第一站先去林東芳食牛肉麵, 由西門町坐捷運到忠孝復興站後, 然後再行多十幾分鐘, 今日又熱又曬, 未行到已經成身濕晒, 去到仲要曬著排隊等食
老店門口, 店內無冷氣, 熱著食肯定好辛苦
門口有煲牛腩, 睇落唔多開胃
附近環境, 最近睇雜誌見到林東芳牛肉麵已經搬咗新舖
等了將近半個鐘, 終於被安排到另一間轉角地舖, 內有冷氣, 可以食得舒服些少, 枱上放了幾款調味料, 當中有款自家製辣椒, 大家都推介加落牛肉麵一齊食
點咗半筋半肉麵大碗250台幣, 牛肉麵小碗150台幣, 再加一小碟花干40台幣, 整體上味道唔覺出色, 價錢又唔係平, 坐得又唔舒服, 所以我覺得唔太抵食
食完麵, 都係舒服啲打的到迪化街一段,175台幣
由迪化街一段開始
好快見到夏樹甜品, 原本只係記低佢, 無諗過會去食, 但今日實在太火熱, 都係先去食個冰降溫, 原來都幾受遊客歡迎, 不停有遊客出出入入
杏仁豆腐雪花冰, 100台幣, 好綿好滑, 好好味, 拍得住當年在鹿兒島食過嘅白熊刨冰
原味豆花, 50台幣, 抵食
食完冰成個人醒晨返, 正式開始行街。迪化街一段以新式舖居多, 豐味果品, 兼營鮮搾果汁
老阿伯魷魚焿, 好多人排隊
迪化博物館
新式南北貨店
其中混雜一些老店
摺紙工藝店
迪化街商圈
商圈內大多是舊式海味、藥店
茶居內別有洞天, 裡面有林家祖厝, 是迪化街最早的閩南式街屋, 剛巧遇上導賞團
商圈內處處皆是舊建築群
路過麵包店, 有蘿蔔酥剛出爐, 買個試下, 35台幣
霞海城隍廟, 添過香油錢後, 飲杯平安茶
隔離有永樂市場
迪化街郵局
小藝埕
民樂旗魚米粉, 但仲係有啲飽, 食唔落, 留待下次有機再食
行完迪化街, 先去買咖啡及茶葉, 打算在森高砂咖啡館, 不過有點貴, 放棄了
再去埋有記名茶買茶葉
順路參觀埋保安捌肆, 佢前身係順天外科醫院, 現是活化咖啡店, 但仍保留舊有的建築群, 職員見到我們只是參觀, 沒有幫襯, 仍然好好笑容, 換轉在香港, 一定用凌厲眼神掃你走
最後去埋大稲埕碼頭睇日落
好彩今日有好靚嘅日落, 更好彩係今次帶埋支長鏡旅行, 有得睇又有得影
期間不停換鏡, 認真手忙腳亂
然後返回酒店取房, 房間環境都幾新淨
最好係有個大露台, 雖然無乜景
浴室
酒店休息後, 輪到台灣必備節目夜市, 今晚行寧夏夜市
先去鬍鬚張食魯肉飯
魯肉飯, 腱子及荀絲, 合共203台幣
福氣滿滿雞翼, 10台幣
宜蘭三星葱肉捲, 1捲10台幣
見有好多人排隊的賴柯仔煎, 又排埋一份
柯仔煎, 65台幣
返到西門町, 買埋杯成都楊桃冰返酒店
楊桃冰及楊桃湯, 共75台幣
楊桃冰內有2片冰楊桃, 非常消暑

下一篇: 台北聖誕之旅 Day 2

2 則留言:

  1. [國泰地勤才斯斯然出來, 準備開工, 個個都木無表情, 喪屍一樣!]
    很失望國泰的員工咁多年來在服務上都沒有多大的改進。

    [據聞國泰由上月開始回復短程有熱食供應, 點知繼續係cheap雞食物袋, 說好的焗豬飯/义燒飯/魚塊飯/葡汁雞飯全部無影]
    咁就認真唔掂添啦!

    呢間Tango酒店我在台中住過都是位於橫街,但間酒店既質素唔錯噃。

    回覆刪除
    回覆
    1. [呢間Tango酒店我在台中住過都是位於橫街,但間酒店既質素唔錯噃。]
      整體上都幾好, 酒職員有禮貌, 有笑容, 別外我都係貪佢新開, 客房可以新淨啲。

      刪除