2017年11月11日 星期六

【一起葡過的假期~葡萄牙自駕遊】Day4 大學城科英布拉

一起葡過的假期~葡萄牙自駕遊  大學城科英布拉

Day 4 - 6月10日  星期六  晴

行程: Obidos - Alcobaça - Batalha - Coimbra - Mealhada - Coimbra  204km

住宿: Hotel Oslo (Double room, 包早餐及泊車, 104歐)

Alcobaça, Batalha及Tomar三地各有一座修道院被列入世界文化遺產, 由於位置相鄰, 被稱為修道院三兄弟, 如果是自駕遊, 一天內同遊三地絕無難度, 之後又可選擇以聖母顯靈地Fatima作為當天落腳地, 多遊一處地方, 實在是個不錯的行程安排。雖然一次同遊三個修道院較為理想, 但我們更想到Coimbra, 參觀堪稱歐洲最靚的大學圖書館Biblioteca Joanina, 由於它是個導賞團, 早點到達Coimbra, 較易計劃, 所以今日行程安排上午先去Alcobaça及Batalha兩座修道院, 各留一小時參觀, 然後約中午時份去到Coimbra, 希望能夠參加午後的Biblioteca Joanina導賞團, 否則預留明早半天作後備時間

早餐前, 到城外附近走走
入城前, 有個簡陋的世遺牌, Obidos古城都係世界文化遺產
早餐地點是昨晚晚飯的餐廳, 今朝無set枱, 高檔味盡失
非常普通的早餐
不過出咗盆新切生果盆, 好靚, 仲要由我主刀, 開心晒
第一站係Mosteiro de Alcobaça(阿爾科巴薩修道院), 修道院外有停車場, 用0.5歐買泊車票, 大約可泊個半鐘
正門方向, 早上撞正大背光
正門的左右雕像
修道院三兄弟有套票, 每位15歐, 有效期好似兩個星期, 計劃會去晒三個修道院, 所以買套票, 抵過分開買。行入修道院就係教堂部分, 屬於免費區, 左手邊是售票櫃枱, 不自覺地直接行去買票入場, 跳過教堂部分, 修道院平面圖, 右下為修道院入口
入場後就係Sala dos Reis(國王之廳), 內有歷代葡萄牙國王雕像, 及藍白色壁畫瓷磚描述修道院的歷史
修道院內其中一個庭園
見到門口有個壓平咗嘅人形墓碑就係Chapter House
修道院內的手信店, 各款飾物磁貼印有修道院的外觀, 非常精美, 由其以藍白作主色的物品, 好有葡國特色, 所以決定要買齊三個修道院的藍白色磁貼留念, 呢度揀咗個圓形磁貼
二樓是Dormitorio(宿舍)
從二樓看到的另一個庭園
廚房有巨型煙通, 又舖晒瓷磚
Refeitório(大飯廳)
Fountain House
離開前出去庭園行下
修道院內有五條迴廊, 當中一條叫The Cloister of Silence(沉默的迴廊), 連著教堂的迴廊就是沉默的迴廊, 點解叫沉默, 網上話呢派嘅修士唔講嘢唔吹水
行出收費區就係教堂, 即免費區
教堂範圍可免費參觀, 個人覺得比修道院部份更可觀, 最精彩部分是兩副雕工超級細緻的石棺, 亦是最多人圍觀的, 分別是國王佩德羅一世及其情婦伊妮絲的石棺, 背後有一段關於他們的悲慘愛情故事
Alcobaça Sala dos Tumulos(皇室陵墓)
修道院外的環境
第二站是廿幾公里外的Mosteiro da Batalha(巴塔利亞修道院), 沿路入城時, 毋須急於找車位, 看到修道院後, 只要跟路牌指示行, 就會去到修道院盡頭的免費大停車場, 下面相片中, 修道院八角型建築部分的上方就是停車場位置
修道院旁邊有間遊客中心
附近的小教堂lgreja Matriz及露天廣場
另一邊的廣場有紀念葡萄牙打勝仗的將軍雕像, 但今日廣場被用作臨時小型足球場
隨意行入修道院最近的入口, 經職員講解後才知道修道院分有幾個部分, 這裡是最後的收費區Unfinished Chapels(未完成的禮拜堂), 以往是免費參觀, 現已改為收費區
Unfinished Chapels(未完成的禮拜堂)是個八角形大廳, 每一邊都有一個六角形的小禮拜堂
當中最精彩是大廳出入口的拱門, 兩邊的門柱有超細緻精巧的雕刻, 睇到嘩嘩聲
事前無留意過修道院的詳情, 參觀完先知Mosteiro de Alcobaça大致分為免費參觀的教堂區及三個入場區, 有修道院區, Founder's Chapel及剛行過的Unfinished Chapels。整座修道院的正面, 正中大門是教堂入口, 左邊是修道院區, 右邊是Founder's Chapel, 而Unfinished Chapels就在修道院背後
入口係整座教堂嘅焦點, 全個拱形外框雕刻咗無數細緻而複雜的人像, 各有不同外形及服飾
教堂內部
修道院的平面圖, 建築分成三個階段, 黄色、橙色及綠色部分別是第一、第二及第三階段
職員要我們順序參觀, 先去Founder's Chapel, 才可進入修道院部分
陽光穿過彩繪玻璃窗令內裡現出彩色繽紛的光線
創立者陵墓
最後參觀埋修道院, 裡面分為兩部分有Claustro Real(國王迴廊)及Claustro de Dom Afonso V(阿方索五世迴廊), 間格跟Mosteiro de Alcobaça修道院相約
修道院內的手信店, 買咗一個修道院的磁貼留念
跟著拿聲出發去Coimbra, 出鎮前經過超市, 第一日錯過後, 等到今日終於有機會經過超市, 所以都係停一停行下超市補倉, 買返Pack水、飲品及零食, 2.87歐可以買到6支葡國朱古力奶!
之後駛去有大學城之稱的Coimbra(科英布拉), 離大學還有幾百米時, 見到有個室內停車場, 就將車泊在這裡, 四個多小時的費用是3.35歐
原來停車場位置就在Igreja de Santa Cruz(聖十字教堂)背後, 教堂背後是Jardim da Manga
之後睇返酒店攞嘅地圖, 在停車場繼續向斜路行, 可搭電梯上一段斜路, 再直行就到大學廣場入口, 路程睇落近好多, 可惜當時無圖在手。雖然泊喺度會遠少少, 但回程就可以行埋城內其他要去嘅地方, 然後直接返酒店, 總算錯有錯著。在下面圖片中, 藍色方格是停車場位置, 綠色方格是大學廣場位置, 紅色方格是酒店位置
睇著Google指示沿Rue Visc da Luz大街行, 大街入口處是Igreja de Santa Cruz(聖十字教堂), 轉頭再慢慢參觀
大街兩旁, 商店及食店林立
然後轉入小巷, 沿彎彎曲曲的斜路上山
由停車場開始, 約行十五分鐘, 終於來到大學廣場後門, 參觀圖書館過後才知道左邊是它的出口
走入廣場, 左邊就是Biblioteca Joanina圖書館的入口, 門外有一群人正在等候入場, 從他們得知售票處的位置
售票處在大學廣場入口左邊的大樓
排了近二十分鐘, 買咗Program 1 - From the Palace to the College的門票, 售票員話可進入Royal Palace, St. Michael's Chapel及Biblioteca Joanina圖書館, 而參觀圖書館的時間被安排至下午三點半, 每位10歐, 再加1歐包埋University Tower
今日陽光極之兇猛, 晒一陣頭頂已經好㷫, 見到售票處外有架好Cute嘅Yogurt車
即刻要買返杯來消消暑, 加三款鮮果粒, 4.2歐
入口處有平面圖標示廣場及三邊建築物的名稱, 我一直叫大學廣場嗰部分, 正確名稱應該是Paco Das Escolas(官網的英文譯名是University Palace), 中文似乎要譯作大學皇宮
Univeristy of Coimbra(科英布拉大學), 來之前對呢所大學嘅範圍無乜概念之餘, 仲覺得幾亂, 但諗著主要係睇下圖書館, 吸收知識, 其他就隨意啦, 參觀過後就稍為清楚。查實科英布拉大學所佔的範圍好大, 分有三個校園, 第一校園位於山坡上, 而University Palace只是第一校園的一小部分, 現場所見位置在山坡的最高點, 以下是大學的第一校園範圍
今日要參觀嘅三個地方都喺University Palace範圍內, 而University Palace已經被列入世界文化遺產, 跟門票所派的地圖
University Palace的入口
約下午兩點半開始參觀大學, 今日陽光實在太猛烈, 所有人都匿去有遮陰地方, 左邊的高塔是University Tower, 右邊是Royal Palace
先去參St. Michael's Chapel, 入口在教堂旁邊的走廊
裡面好colorful
Chapel Organ
教堂外的走廊舖咗彩繪畫瓷磚
跟著上大學塔
塔頂位處城內最高點, 可以飽纜360度開揚景緻, University Palace的方向, 中間位置就是入口
右邊盡處而橫向的建築物就是Biblioteca Joanina圖書館, 而直向的是St. Michael's Chapel
相中的河流叫Mondego River, 左邊近處有條彩色玻璃橋Pte. Pedro e Inês, 而對岸右邊的草地是Monastery of Santa Clara a Velha, 之後會過去睇下呢兩個地方
其他方向的景觀
廣場上的Statue of King Joao III
仲有時間, 快快脆脆行埋Royal Palace
裡面有Great Hall of Acts, Private Examination Room and Arms Room
在Royal Palace平台上望返兩邊, 入口一邊的建築物
另一邊由遠至近分別係圖書館及St. Michael's Chapel
最係到最想睇嘅Biblioteca Joanina, 被人稱為歐洲最靚的圖書館
圖書館巨形木門
可惜裡面不准泊影, 館內有三層, 下面兩層是Middle Floor及Academic prison
見有人用手機偷影, 快跟偷影幾張, 全程參觀時間約廿分鐘
廣場上的Statue of King Joao III
全景照
之後由正門離開
入口嘅地上, 用石砌咗個大學徽章
從另一個方向行落山, 沿途經過嘅地方, Igreja de São João de Almedina
Sé Nova de Coimbra(New Cathedral of Coimbra), 後面係College of Jesus, 但原來門票包咗College of Jesus, 但職員無講, 無去到!
Sé Velha de Coimbra(舊大教堂)
Science Museum
路經一個拱門走廊, 有人排隊影相, 原來係一座中世紀石樓作防禦用途叫Torre da Almedina
Porta de Barbacã
返到之前經過嘅大街行下
行到街尾, 見到一間好多人嘅餅店叫Pastelaria Briosa Coimbra, 跟買
買了兩款, 好似係地道甜點, 共2.4歐
回程途中
終於返到Igreja de Santa Cruz(聖十字教堂)
葡國啲著名景點都會用呢款牌介紹景點
裡面兩邊牆壁都舖咗藍白色繪畫瓷磚
今日食下午茶嘅餐廳叫Café Santa Cruz, 喺聖十字教堂旁邊
Coffee with milk, 每杯1.7歐, Hot Dog及Mixed Sandwich各2歐
今日住火車站旁邊嘅Hotel Oslo, 104歐一晚, 都幾貴, 但包早餐及泊車, 客房都幾細, 被舖各樣都好新淨, 本來都覺得唔差, 不過第二朝訓醒發現, 大脾被床蝨咬咗十幾啖, 幾日後又腫又瘀黑, 好毒, 癢足個幾月, 所以不建議住Hotel Oslo
客房個景一流, 對著大學圖書館
酒店付設的停車場在左邊淺藍色建築物地牢
窗外全景
晚飯前去多兩個地方, Monastery of Santa Clara a Velha, 到達時已過了開放時間
仲有彩色玻璃橋Pte. Pedro e Inês
河邊有個小噴泉, 又係對著Coimbra大學, 個景好正
橋上兩邊用咗彩色玻璃做欄
今晚去廿幾公里外嘅Mealhada食飯, 佢係個出名食乳豬嘅小鎮, 個鎮有好多乳豬餐廳, 今日揀咗蔡瀾都去嘅Pedro dos Leitoes食乳豬
餐廳內掛了一幅藍白色瓷磚的餐廳舊貌畫
餐前小食, 跟昨日乳豬餐廳相似, 每人有一嚿新鮮芝士, 2.5歐
麵包, 1.2歐
炸馬介休, 2.4歐
可樂及啤酒, 各1.75歐
Soup of the Day, 2.5歐
Roasted Piglet, 每公斤40歐, 餐廳經理建議兩人份量點700g已經足夠, 28歐, 呢度啲乳豬真係皮脆肉嫰多汁味香, 相比香港燒豬, 除豬皮無咁脆外, 其他皆比香港燒豬優勝, 而相比昨天的燒乳豬, 昨天的只能說過得去, 後悔無點薯片, 無得比較, 非常推介
飯後甜品Creme brulee, 4歐, 味道似燉蛋
Doce Da Avo雪糕加果仁, 2歐
食完晚飯, 剛過九點, 個天仲未黑晒, 餐廳外觀
餐廳對面就係自家停車場, 有專人睇車
臨訓前仲可以喺房影到嘅大學夜景, 月亮亦出來助興, 今日又係玩得非常滿足 !

上一篇: 一起葡過的假期~葡萄牙自駕遊 Day 3
下一篇: 一起葡過的假期~葡萄牙自駕遊 Day 5

沒有留言:

張貼留言