2017年10月15日 星期日

【一起葡過的假期~葡萄牙自駕遊】Day2 天洞沙灘Benagil Sea Caves

一起葡過的假期~葡萄牙自駕遊  天洞沙灘Benagil Sea Caves

Day 2 - 6月8日  星期四  晴

行程: Lagos - Praia de Benagil - Cabo da Roca - Sintra  407km

住宿: Tivoli Sintra (Classic Twin Room with Town View, 69.3歐, 免費泊車)

Benagil Sea Caves係最期待嘅行程之一, 可惜今日大風浪, 登陸沙灘嘅Tour都暫停了, 被迫只能參加觀光航線, 但估唔到沿岸一帶, 原來有大大小小嘅沙灘, 仲有跟澳洲大洋路相似嘅海岸奇石, 壯觀情度比大洋路有過之而無不及, 所以全程非常精彩, 完全意料之外, 如果有時間, 呢區絕對值得住返一、兩晚, 慢慢玩!

大清早已經有好燦爛嘅陽光, 客房位處尾位, 所以從露台邊緣可以看酒店前面嘅海景
酒店早餐, 款式味道一般, 不過有新鮮出爐的麵包及葡撻
另外發現樣衰衰嘅雜果竟然係新鮮生果切粒, 加上乳酪後, 非常美味, 忍唔住食咗兩大碗
食飽飽, 先去附近一個叫Praia Dona Ana海灘行下
沙灘比昨天行過嗰兩個更靚更大, 從左到右嘅景觀, 好有十二門徒石Feel
沙灘上面有間幾大嘅酒店Carvi Beach Hotel Algarve, 外觀睇落好過住過嗰間酒店
行落沙灘, 感覺周圍環境仲正
左邊盡頭, 好似要行好遠
所以喺右邊嘅石群隨便行下就算
沙灘右邊嘅石群全景
跟著出發去Praia de Benagil, 車程約半小時, 沙灘前的位置只能上落客, 免費停車場就在左邊斜路上面, 泊好車就沿斜路行返落沙灘
行到沙灘門口就見到Boat Tours大招牌
但最估唔到風和日麗下, 竟然亮起紅色交义訊號, 本來計劃參加停留Sea Caves的Tour, 但職員說大浪, 不可以在這裡上船, 所以停留Sea Caves的Tour要暫停, 提議參加另一個觀光Tour, 遊覽沿岸海岸及Sea Caves, 但不能登陸Sea Caves, 於Portimao上、落船, 包來回Portimao接送, Tour每位30歐, 旅程約75分鐘, 連來回車程約兩個多小時
沙灘細得很, 右邊泊咗幾架快艇仔, 應該係去Benagil Sea Caves
右邊有條小路可以行上去
Tour的接駁車, 約等十五分鐘就出發, 連司機一共九人
約二十分鐘車程到達Portimao, 去個廁所後, 就即刻上艇, 上艇地方係Marina De Portimao, 原來前面已經有一組人開始登上快艇, 好彩行頭, 否則就要分開坐
Portimao碼頭周圍環境
出發後就見到對面有個大沙灘Praia da Angrinha
老闆兼船長會沿途續一介紹經過的沙灘, 第一個係Praia do Torrado
Praia dos Caneiros
沿途經過大大小小的沙灘, 好多都係無人沙灘
間中會高速穿梭石罅之間, 為客人帶來刺激感
沿岸仲有很多壯觀嘅海蝕石及海蝕洞
之後從一個矮細入口, 駛入一個海洞沙灘
無船都應該來唔到
跟著又一個接一個嘅無人沙灘
呢個灘整咗條貓梯比人上落沙灘
Praia do Paraiso天堂沙灘, 個名好浮誇
司機喺途中提及過好有希臘feel嘅Praia de Carvoeiro, 環境相當靚
過了Praia de Carvoeiro, 見到部分岸邊築有長長的散步徑
仲有可以供遊人入內探索嘅石洞
Praia do Vale Covo
Praia do Vale Centeanes
其間又駛入海蝕洞
另類的觀光船
又駛入兩、三個海蝕洞
另一個海蝕洞
再過一個沙灘後
見到左邊的彎鐵柱, 就表示返到Praia de Benagil
過了Praia de Benagil沙灘, 就係今日嘅重頭戲Benagil Sea Caves天洞沙灘
天洞沙灘, 真係好靚好特別, 可惜無得搶灘
沙灘只有一對情侶, 應該係游過來
有隻包艇又入來哄下
船長再從另一個洞口駛入天洞沙灘
之後又有一連串沙灘奇石
非常壯觀
不斷在石隙間穿梭
隱若見到有人在石上
將近去到尾聲嘅位置
最後去到呢嚿沽獨石就用高速飛回起點, 以刺激一程來結束呢趟精彩旅程
約下午一點返到來Benagil沙灘, 再周圍行下
又行上旁邊嘅小路睇下
沿路可以更清楚睇晒沙灘全景
小路盡頭的景色
返回Praia de Benagil, 盞紅燈仲係交义中
Praia de Benagil周圍環境
之後到了幾公里外的Carvoeiro食午餐, 兩邊有免費泊車位, 餐廳侍應話只有這條馬路有免費泊車位
午餐於Le Cro, 主打食Tapas
餐牌
可樂及啤酒, 各2歐
Pumpkin cream,  3.5歐
Ceviche (Peruvian style marinated fish in lime juice), 5歐
三文魚多士及沙甸魚多士分別3.75歐及4歐, 呢餐幾好味, 但唔知係咪食得小, 又俾得約10%小費, 當時侍應面口變晒, 所以雖然好食, 但唔推介
約下午三點離開南部, 趕去今晚住宿的Sintra, 由南部到Sintra, 車程約需三個多小時
高速公路收費站, 如果有用電子道路收費服務, 就行綠色V線
去Sintra前, 先去附近的Cabo da Roca羅卡角, 又叫天涯海角, 位於歐洲最西端, 約下午六點來到, 遊客中心外有個小型免費停車場, 先入遊客中心睇下, 期間中心職員叫我們小心背囊, 起初以為怕我們的背囊會碰到中心啲貨品, 原來係話外面有四個扒手, 叫我們將背囊放喺前面, 一心以為里斯本至有扒手, 點知呢到都有扒手揾食,  中心男職員仲攞著個望遠鏡𥄫下, 但齋睇無行動
天涯海角地標
人人都在等影到此一遊相
海岸邊嘅景色
及周邊景物
再沿天涯海角標柱行下
有山路可一直往下走, 而且景色都唔錯
行返上去燈塔睇下
旁邊嘅海岸
之後同伴多事, 周圍望小偷喺邊, 終於見到三個喺地標柱搵老細, 出手係個衣著較寒酸嘅吉卜賽婦人, 另有兩人接應, 之後發現同伴眼甘甘望實佢哋, 結果被其中一人兇咗幾句, 估係叫不要多事之類, 嚇到同伴立即叫我走人
所以立即閃人返Sintra, 今晚住宿的酒店外觀, 真好彩門口剛有一個酒店車位, 酒店位置非常方便, 就在舊城廣場旁邊, 方便遊覽舊城
今晚嘅客房, 同相一樣, 好寬敞, 不過有啲舊, 被舖都算乾淨, 70歐一晚抵住
露台景觀
職員話比咗間好景觀房間, 原來側側哋可以遠眺摩爾人城堡
跟著拿拿聲出去廣場行下
廣場旁有間幾靚嘅餐廳, 不過幾貴咁
National Palace of Sintra辛特拉國家皇宮
周圍景物
Sintra遊客中心
Piriquita - Quinta da Regaleira鎮中嘅著名甜點店
過咗peak hour, 周圍都無晒遊客
周圍都可以發現好精美嘅葡式瓷磚
呢度都有黑衣人酒舖
其他精美嘅葡式瓷磚裝飾
原本今晚想揸車去隔離鎮食燒豬餐, 不過唔想無咗個好車位, 所以隨便喺廣場揀咗間餐廳Paco Real食晚飯, 啤酒2杯, 共9.5歐
今日無乜飲水, 要加多支水, 3.1歐
八爪魚Risoto, 15歐
燒沙甸魚, 12.9歐
餐廳Paco Real, 呢餐唔掂
飯後再周圍行下
酒店大堂
天氣好似開始轉差咁
Piriquita甜點店買的糕店做今晚消夜, 共4.4歐

上一篇: 一起葡過的假期~葡萄牙自駕遊 Day 1
下一篇: 一起葡過的假期~葡萄牙自駕遊 Day 3

2 則留言: