2017年8月20日 星期日

【一起葡過的假期~葡萄牙自駕遊】行程篇

今年第一個旅行目的地選擇了葡萄牙, 開心時間過得特別快, 十二日葡萄牙之旅, 轉眼間便順利結束。今次葡萄牙之旅, 所見所聞跟歐洲國家大不同, 好有新鮮感。南部海岸風景遠超預期, 隨處可見的藍白色瓷磚配以獨有畫作, 為葡國建築增添亮點, 加上食宿皆比預期理想, 令旅程更加精彩、難忘、滿足 !

航線
香港沒有直航機到葡萄牙, 所以有很多航線選擇, 一切以時間及價錢為考慮因素, 一月份見到英航來回里斯本經濟艙機票只需五仟多, 價錢及時間都不太差, 就買下機票, 連稅每位5460港元。英航經由倫敦轉機, 點知出發前兩星期, 倫敦橋發生恐襲事件, 英航壞電腦, 又撞正英國國會提前大選, 以及英航公會宣佈六月中擺工, 好彩一切順利, 來回程都未受影響
租車
以大行及價錢為先决, 格價後選擇了Sixt, 最平的自動波車款是福士UP, 跟另外兩款較高級別的福士Golf及寶馬1系, 總數其實相差無幾, 但同伴對治安非常有戒心, 堅持越cheap越好, 盡量減低賊佬關注度, 另外據聞葡萄牙有唔少山城, 路面都比較狹窄, 但事實又唔多覺, 所以最終訂了最低的福士UP級別。八天車租連全保、軚窗保、偷車保及電子道路收費服務, 合共484歐。取車當日, 發現價錢跟訂價不同, 職員謊說因訂價未計入機場稅, 後來發現是被加入Roadside Protection, 估唔到大行嘅操守都咁衰。租車公司的櫃台就在客運大樓之內, 入境後轉右直行就看到
今次俾咗架近乎全新日產車仔, 1500cc但好食油, 油費每公里折算約$1.1港元
貨幣
葡萄牙貨幣是歐元, 因為今年狂吹美國會加息幾次, 啲吹水專家預測美元兌歐元會去到一算, 所以一直無出手, 匯率就由年頭8.1幾一直升到出發時嘅8.9幾, 結果越等越衰, 攪到使費貴了不少

上網SIM咭
選用了Vodafone最便宜的兩款上網SIM咭, 一款是15日15G數據流量, 價錢是15歐, 另一款是500分鐘通話/SMS加3G數據流量, 價錢是10歐, 購買時毋須登記護照, 即插即用, 不須任何手動設定
Vodafone店在客運大樓之內, 入境後向右望就看到
行程
近年的準備工作越做越懶, 多數買了機票後才規劃行程, 加上網上關於葡萄牙資料不多, 只做個粗略路線就算, 今次全程頭尾十二日, 初定行程時, 南部的Lagos不在範圍之內, 所以時間相當充裕, 後來看過熊大兔兔網誌後, 才加入南部的Benagil Beach Sea Cave, 令行程變得緊迫, 幸好這個部分沒有令我們失望。如果能夠及早把南部納入行程內, 就能以波圖入里斯本走的方式買機票, 不但減少車程令行程更順, 更可以省下兩天租車費及路費, 一舉兩得, 可惜一切來得遲了。今次的行程如下:
Day 1  里斯本 - Lagos, 住宿:Hotel Marina Rio, 由里斯本前往300公里外的南部Lagos, 中途先遊里斯本耶穌像
然後前往南部渡假勝地Lagos
Day 2  Lagos - Sintra, 住宿:Tivoli Sintra, 早上先參加船河, 遊覽最期待的隱世沙灘Benagil Beach Sea Cave
南部海岸景色比澳洲大洋路有過之而無不及
驅車到Sintra鎮之前, 停一停羅卡角(歐洲天涯海角)
Day 3  Sintra - Obidos, 住宿:Hotel Josefa D Obidos, 早上遊覽Sintra皇宮
及摩爾人城堡
餘下時間留給舊城Obidos
Day 4  Obidos - Coimbra, 住宿:Hotel Oslo, 先到葡萄牙三大世遺修道院之二, 分別是Alcobaça
及Batalha
然後到大學城Coimbra參觀歐洲最古老大學及最美麗圖書館
Day 5  Coimbra - Guimaraes, 住宿:Casa do Juncal, 中途停一停Aveiro
及Costa Nova
再快遊Braga
然後落腳Guimaraes
Day 6-7  Guimaraes - 波圖, 住宿:Douro Apartments - RiverTop, 停留波圖兩天作市內觀光
Day 8  波圖 - 里斯本, 住宿:Hotel Lisboa Tejo, 中途停遊Tomar
然後返里斯本還車
Day 9-11 里斯本市內觀光, 住宿:Hotel Lisboa Tejo

下一篇: 一起葡過的假期~葡萄牙自駕遊 Day 1

13 則留言:

  1. 9月中我飛英國都係租Sixt既車,希望到時唔好出現衰野啦!

    回覆刪除
    回覆
    1. 我都有責任, 無cross check張單!

      刪除
    2. 2014年在德國租車另一間租車公司都呃我話我有租用GPS。回港後才發覺給過左visa數,經理論和提出證據後經visa退返錢畀我,但我都蝕左匯價。

      刪除
    3. 小數目博你覺得煩, 廢事追究, 呢啲唔老實嘅做法好討厭, 認真唔要得!

      刪除
  2. I've never use Sixt before. I don't have any problem with Hertz or Avis either in Australia or overseas.

    回覆刪除
    回覆
    1. 我只係第一次幫襯Sixt,暫時未知有無事發生,希望無。

      澳洲我幫襯過AVIS和HERTZ。部份AVIS職員啲服務態度真係一流差。

      紐西蘭就第一次幫襯AVIS,服務好好。

      香港AVIS我有遇到部份客服人員無咁禮貌既服務,問多兩句就畀聲氣啲客聽。

      刪除
    2. 我第3次用Sixt, 頭兩次都無問題。好果佢問下我哋, 加個option都無所謂, 多個保障, 不過今單明騙我, no good !
      我上次去檳城租Avis, 半年後話我無俾錢, 再扣多一次信用卡, 我打去香港AVIS求助, 有個男CS好縮骨又無禮 (可能同一人), 佢地堅持無重覆收費, 唯有經信用卡銀行解決, 最後同樣蝕左匯價 !

      刪除
  3. 回覆
    1. 羅卡角見到吉卜賽扒手, 里斯本都覺得有啲, 其他地方唔多覺, 個人覺得整体上ok, 起碼無明搶, 只要提高警覺應該無乜問題!

      刪除
  4. Hello
    很辛苦才找到香港人在葡國自駕的資訊,實在太好了。想請教葡國租幾個問題:
    1。波圖和里斯本的泊車容易嗎?收費如何?
    2。高速公路中途有休息站距離密嗎?如何收過路費,可以像台灣日本般,所租公司租用收費咭/系統?
    3。葡國人的駕駛態度怎樣呢?

    另有沒有什麼關於葡國自駕的建議呢?

    謝謝賜教,感謝!

    Dickson

    回覆刪除
  5. 1. 沒有在里斯本市區揸車, 所以沒有留意。至於波圖, 主要在舊城區活動, 有幾個收費停車場, 印象中每小時約1至2歐, 當時我用日洎, 約20歐一天。
    2. 唔覺有好多休息站。收費站有現金及電子收費, 我租車時, 見電子收費服務的費用不高, 加入了電子道路收費服務選項, 所以當時走電子收費站, 如果車輛有此服務, 就行綠色V線, Day1 and Day2有提及。
    3. 在市區內, 跟香港接近。在公路中, 除了接近波圖和里斯本外, 一般都很少車輛。

    回覆刪除
  6. 你好
    你文中提及 " 波圖入里斯本走 , 可以減少車程令行程更順, 省兩天租車費"
    想知你係會點安排行程,因為我係 PORTO 入 LISBOA 走 , 中間亦會去 ALGARVE
    因為網上的資料不多,所以想參考下點樣安排行程好
    謝謝!

    回覆刪除
    回覆
    1. 我當時係咁諗, 如果從Porto開始, 先在Porto玩兩日, 才去租車, 可以少兩日車租及停車場租, 再由Day7倒轉行, 即是Guimaraes-Coimbra-Obidos-Sintra-Lagos一帶, 最後返Lisbon還車, 再遊Lisbon, 不過事後我覺得11日有啲短, 可以玩16日就perfect!

      刪除