【怡保檳城為食自駕遊】Day2 街頭藝術壁畫

怡保檳城自駕遊  街頭藝術壁畫

Day 2 - 6月7日  星期日  晴

行程: 舊街場 - 街頭壁畫 - 新街場 - 極樂洞 - 怡保 - 檳城喬治城   190km

住宿: Neo+ Penang (Double room, 連稅196馬幣)


早上七點, 天未光透就揸車出發, 首先去食個早早餐, 再行下新、舊街場, 之後返酒店食早餐, 要去食早早餐嘅的地方是位於Old Town(即舊街場)的新源隆茶室, 地址是15A, Jalan Bandar Timah, Ipoh, Perak, 開朝六晚六, 泊好車就沖入去茶室坐低, 但奇怪點解無人食早餐, 再出門口睇真啲, 原來沖錯地方, 入咗旁邊嘅新源豐, 要去嘅應該係新源隆, 兩間茶室嘅中英文名都差不多一樣, 非常容易攪錯

點咗兩個炖蛋

舊街場出晒名嘅白咖啡, 兩杯

兩份加椰多士, 合共13.4元

茶室裡面有幾個檔口, 腸粉檔未開, 無得食混醬腸粉

新源隆茶室對面是另一間好多人食嘅南香茶餐室, 格局一樣, 都係一舖數檔

在怡保, 星期日泊車位免費, 平日1小時六毛, 全日4元, 用parking coupon俾泊車錢, parking coupon於便利店有售

食完早餐就在舊街場內行下, 架車就泊在茶室附近嘅車位, 依觀光地圖, 行下怡保歷史遺蹟路線, 以及尋找立陶宛畫家Ernest的街頭壁畫

沿路經過一間叫老黃芽菜雞, 唔知係真定假, 以及一間又叫新成發

附近好近二奶巷

打算食午餐嗰間是怡保新成發

二奶巷, 據聞以前啲有錢佬都會安置啲情婦在附近, 久而久之, 就被人叫做二奶巷

在二奶巷見到一張壁畫位置圖, 比官方地圖所標示的, 多了一幅

首先見到是7號Girl (小女孩與鳥籠)

每幅壁畫旁邊都有官方的金屬地圖, 不過只有七幅壁畫的位置, 少了當中最細的一幅

跟著是3號Kopi-O (五包黑咖啡)

之後是4號Humming Bird (大蜂鳥), 以前大峰鳥旁邊有棵真樹, 現在消失了, 望上去無咁夾

5號Evoluation (鐵船採礦)

匯豐銀行大廈

其間見到好多著綠色T-shirt的學生都係搵壁畫, 索性跟著佢地行, 2號Paper Plane (紙飛機)

舊街場咖啡店

側邊嘅牆就是1號Old Uncle with Coffee Cup (老翁嘆咖啡)

對面是遊客中心, 未開門, 想睇下有無地圖攞都唔得

怡保市政廳

怡保火車站

火車站前有一棵怡保樹, 因含有毒性, 以前用來製作吹筒的毒矢, 現大多被砍掉, 據聞全怡保只剩這一棵

火車站的厠所竟然要收費, 3毛一次

揸打銀行大廈

隨影

Jalan Sultan Yussuf Street, 街上有很多特式Cafe

未被納入在官方地圖內的壁畫

三奶巷

最後一幅是6號Trishaw (老人與舊物)

搵完八幅壁畫就剛回到新源隆附近, 再揸車去New Town(即新街場)睇本地派嘅壁畫

把車泊在Masjid Panglima Kinta清真寺, 導航地址是Jalan Masjid, Taman Jubilee, 30300 Ipoh, Perak

怡保是馬來西亞霹靂州的首府, 所以地方名常有霹靂二字

唔肯定這條街是否叫故仔街

街內的壁畫, 當中最想睇的一幅, 有三個細路在瀑布玩水, 但找不到

睇完新、舊街場的壁畫, 就返酒店食早餐退房, 早餐揀咗OldTown White Coffee

凍、熱白咖啡各一, 兩杯咖啡都夠香濃, 但缺少地道口味

加椰多士

溫泉蛋

叉燒雲吞撈麵

吞拿魚三文治, 呢度啲早餐, 有水準

然後又出發去極樂洞, 是一個頗大規範的天然石灰洞, 更值得一提是停車場及入場都是免費

石灰洞入口

穿過石灰洞, 後面有一個小湖

洞的另一邊出口

洞內隨影

入口處隨影

離開時, 在入口處補影一張全景照

再到Pomelo Paradise買多一個打捫柚, 今次揀37號舖權記

買了一個較大的, 35元

離開前先餵飽架車, 油價每升2.05元, 約4.5港一升, 非常便宜, 然後返回舊街場的怡保新成發 (Sun Seng Fatt Curry House)食午餐, 地址是32, Jalan Market, 31650 Ipoh, Perak, 營業時間是朝八至下午三時

餐牌

金桔話梅水, 每杯1.8元

芽菜, 8元

雞絲湯河, 5.8元, 河粉又香又滑, 非常好味, 最可惜係無冷氣, 出晒汗食嘢好辛苦

蝦麵, 5.8元, 都好味

本來想叫咖喱麵但賣晒, 改點干咖喱麵, 5.8元, 味道一般

跟著揸車返檳城, 高速路費16.8元

今次經第一橋入檳城, 橋費7元, 要揀有TUNAI標示的收費亭, TUNAI意思是現金

第一大橋無第二橋咁壯觀

今晚住嘅酒店Neo+, 今年四、五月才開業, 揀佢全因新開, 有停車場, 又近時代廣場, 方便去榴槤節會場食榴槤

對面有另外兩開酒店, 分別是Cititel Express及新開的St Giles Wembley-Penang Premier Hotel, 本來訂咗St Giles Wembley-Penang Premier Hotel, 但後來發現酒店只有public parking, 所以改住Neo+

酒店對面有Gama商場

附近有Komtar, 內有商場亦係檳城最高嘅建築物

酒店大堂, 大堂職員工作混亂, 安排亂七八糟

客房乾淨程度只屬中下

雖然在5月才開業, 但以新凈度來看, 完全不似剛開業

檳城的首站是食下午茶, 沿路隨影

地點是愉園茶室

招牌亞參叻沙, 4.5元一碗, 無餸, 好重香料味, 幾乎蓋過所有味道, 本身亦唔太鍾意嗰種香料味

沙梨酸梅水, 好飲

紅豆冰, 但原來係什豆沙冰, 亦係我們最唔鍾意嘅沙冰款式, 飲品共5.4元

檳城Big Bus

之後行去Jalan Macalister搵街邊榴槤檔, 其間經過一個市集, 無乜睇頭, 以為就是時代廣場, 離開時先知攪錯, 結果今次旅程無去到時代廣場食榴槤, 失敗 !

位於Jalan Macalister的榴槤興, 雖然仲有榴槤, 但已經俾人訂晒, 無得食

在Jalan Macalister街上, 有好多舊屋

其中最特別係徐余涂佘...

經過另一檔榴槤檔, 話係來自浮羅山背

揀咗個平平地試下, 32元, 核大又唔特別好食

經過另一間叫老樹榴槤專賣店, 見好多人食, 又有人買走, 又有冷氣

揀咗中等Size, 58元, 好食過之前嗰間, 但唔算出色

吸收咗咁多卡路里之後, 就要做下運動, 所以行下世界文化遺產嘅喬治城, 以及搵下立陶宛畫家Ernest的街頭壁畫

首先是Child Mural at Prangin Canal

跟住係位置P的Penang: Past Present and Future

應該在這裡, 但估計已經被消失了

位置P對面的住宅

行去海邊睇下姓氏橋, 首先是姓李橋

姓周橋

附近的一幅壁畫

位置L的Love Me Like Your Fortune Cat

位置H的Skippy

喬治城內, 好多遊人都以單車代步

位置A的Kids on Bicycle

位置M的Cats & Humans Happily Living Together

位置B的Old Bicycle

位置J的Bruce Lee

位置F的Cultural Girls

位置N的Lion Dance

沿途亦有其他本地畫家作品及鐵線作品

位置C的Boy on Chair

沿途隨影

位置D的Kungfu Girl, 今日就睇住咁多先

晚餐本來諗住去新關仔角夜市, 但係開始行雷落雨, 所以改到附近的1st Avenue商場

無乜選擇之下, 食返OldTown White Coffee店, 之後非常後悔無醒起去興發茶室食炒粿條

套餐

咖喱鷄

凍啡及凍檸蜜, 共57.3元, 除咗個凍咖啡外, 呢間OldTown嘅水準差過怡保好多

飯後在商場內行下超市

Kit Kat Bites

榴槤雪糕

再行下便利店, 發現有不同款的雀巢咖啡

仲有唔知係乜嘅清熱水

酒店夜景

今晚消夜有羅英檔買嘅打捫柚, 雖然唔夠泰國密柚甜, 但甜度適中, 味帶清香, 但唔算太出色

檳城食店位置圖

上一篇: 怡保檳城自駕遊 Day1
下一篇: 怡保檳城自駕遊 Day3