2015年10月8日 星期四

【怡保檳城為食自駕遊】Day1 山城怡保

怡保檳城為食自駕遊   山城怡保

Day 1 - 6月6日  星期六  雲

行程: 檳城 - 怡保 - 南天洞 - 極樂洞 - 南天洞 - 怡保  182km

住宿: M Boutique Hotel (Superior Twin room, 包早餐, 連稅240馬幣)


每年六、七月, 係檳城嘅榴槤當造期, 為咗食新鮮榴槤, 今年六月搞咗個短旅行, 到檳城浮羅山背品嘗新鮮樹上熟榴槤, 以及尋找檳城、怡保的美食, 行程以自駕形式進行, 計畫行程如下:
Day 1 : 檳城機場至怡保, 遊極樂洞, 品嘗怡保美食芽菜鷄、河粉、打捫柚, 宿怡保
Day 2 : 怡保街頭壁畫, 之後返回檳城, 行喬治城, 食地道粉麵小食, 宿喬治城
Day 3 : 喬治城街頭壁畫, 浮羅山背榴槤果園品嘗鮮榴槤, 升旗山, 食忘不了河魚, 宿峇都丁宜濱海區
Day 4 : 喬治城, 回港
去Lounge食早餐時, 見到巴斯光年, 佢同電視見到一樣, 都係笑容滿面
今次乘搭國泰直航機來回檳城, 每位連稅約1800港元
港龍飛機餐, 一次比一次差, 好彩在Lounge打咗底
準時約正午十二點到達檳城機場
未到行李帶區, 已有幾個檔口賣電話咭, 以防GPS唔work, 買張電話咭, 以Google Map做後備, 電話咭好似有一星期無限數據, 20元, 無需設定, 放入電話就用得
檳城機場, 唔算太大
出境後, 向右邊行就見到一排租車公司櫃台, 有十幾、廿間咁多
租車價錢唔算貴, Avis約佰多馬幣一天, 所以出發前幾日, 才到Avis訂車, 揀咗最平嘅房車, 三日連基本保險、稅及GPS, 合共506馬幣, 取車時要求提升至全保, 但職員話無全保供應, 今次租咗架馬來西亞國產車Proton Saga 1300cc, 無風油軚, 揸上去感覺好硬
隨即出發前往怡保, 檳城有兩條跨海大橋連接西馬大陸, 我們經由較長大橋進入西馬大陸, 當時行駛在橋上的畫面, 感覺都幾有睇頭, 腦海中亦閃過美國佛州的Seven Mile Bridge的畫面, 可惜唔可以停低影相, 條橋好長, 行咗超過十公里都未行完, 事後上網查資料, 原來佢叫檳城第二大橋, 2014年3月1日先通行, 全長24公里, 其中16.9公里是跨越大海
進入高速公路前, 在收費亭取咭, 離開時交咭付款, 公路費全程16元
高速公路中途有啲塞車, 結果三點才到怡保, 原本希望趕在兩點半到達怡保, 去新成發(營業時間 08:00 - 15:00)食咖哩麵及蝦麵, 現在只好順延至明天, 經過最後一段上山路就差不多到怡保
山城怡保出名好山好水, 因為水質好, 所以芽菜、河粉及豆腐都好出名, 今日午餐先去食芽菜鷄及河粉, 路人話今日係公共假期, 泊車免費, 但附近一帶泊滿車, 唯有泊遠啲, 再行返來, 呢條街有幾間芽菜鷄檔, 當中有兩檔好出名, 分別是老黃及安記, 街上還有老梁芽菜鷄
老黃芽菜雞
今次鎖定先食安記芽菜雞, 還有食力的話, 就再試老黃芽菜雞, 去到安記時, 剛開始落大雨, 又有好多人, 所以見位就座, 好彩無去錯
餐牌寫在牆上的白板
佢地叫飲品做水, 先叫兩杯水, 分到是羅漢果水及金桔水, 一律兩元杯
再叫芽菜雞, 芽菜雞唔係一款餸, 係一碟淨芽菜, 以及一碟雞, 芽菜比香港的短身而粗壯, 味清淡, 但非常爽口, 一定要食 
半隻雞, 肉嫩但無乜雞味, 唔算好味
西刀魚丸
淨河粉2碗, 幼滑而帶米香味, 相當出色, 全餐合共49.8元, 食完先醒起, 對面的安記新店有冷氣, 可以唔駛食得咁辛苦
附近有不同食檔, 有八寶鴨及鹽焗鷄等
之後行去附近的奇峰豆腐花再食, 除可親身排隊外, 亦有drive-in服務, 揸車來都得, 自動有人來落單、送上食物及收錢
除了淨白(即豆腐花或豆漿), 還有淨黑、白白和黑白, 淨黑是凉粉水、白白是豆腐花溝豆漿, 黑白是指豆漿溝凉粉
豆腐花, 好滑, 好香豆味, 好味但好細碗, 兩、三羹就食完, 每碗1.2元, 值得一試
大支裝豆漿, 6元, 留來夜晚飲, 味道甜得太過份, 襟晒豆香味, 唔值得試
再行去新榮香賣人氣咖央角, 雖然得十個、八個人排隊, 但排咗大半個鐘先買到
一盆盆新鮮出爐的咖央角
因為新鮮出爐, 啲人一買就幾盒, 一個人就差不多買晒成盆, 變成要等下一出爐
本來諗住買幾件, 但老闆話等咁耐起碼買一盒喇 !
結果買了10件咖央角, 12.5元
味道都幾好味, 甜度剛好, 幾鬆化, 值得一試
咸豆沙
店內仲有好多餅食, 不過所有人主要都係買咖央角
然後去Pomelo Paradise買打捫柚, 地址是3 1/2 Miles, Jalan Gopeng, 1, 31350 Ipoh, Perak附近, 呢種柚不設外銷, 只在怡保售賣, 要食就要來怡保
據韜韜所講, 呢種柚不似檳城榴槤趁新鮮即摘即食, 相反打捫柚就要等一個星期, 待苦澀消失才好吃, 揀靚柚時請勿胡亂拍打, 皆因在皮裏的甘油會反吸到果肉裏, 影響果肉味道, 簡單夠墜手夠光滑便可, 打開柚子時發現有白肉甜柚和紅肉酸甜柚之分, 甜柚超甜多汁, 酸甜柚高一個層次, 甜中帶酸似西柚, 營養價值比奇異果高三成

在Pomelo Paradise, 所有舖頭都係賣柚, 不過6月不是當造季節, 所以好多舖頭都無開門
只有幾間開檔
揀咗羅英, 因為寫住打捫柚, 老闆話現在唔啱季節,  所以只有少量打們抽,  而價錢貴啲, 建議我們買個細抽來食下
所以買咗個細打捫柚, 20元
之後立即趕去今日唯一一個觀光景點 - 極樂洞, 關門時間是六點, 但原來最後入場時間是五點半, 五點半到達已經剛過了最後入場時間
唯有返去Pomelo Paradise旁邊的南天洞行下
南天洞
之後返酒店取房, 酒店外觀
位置略為偏僻, 對面只有一間Bar
酒店走型格路線, 客房
厠所
還有兩對靚拖鞋放在浴室內
房內裝飾
衣櫃
Floor Plan
住119號房
升降機大堂
同層還有公用區
健身室及洗衣房
大堂
酒店包早餐, 有兩間餐廳選擇, 西式的Myth Bar 及中式的Old Town Cafe, Myth Bar的早餐款式及環境
再來大堂環境
洗手間外的洗手盆
後門通往酒店停車場
晚餐於中和園民眾酒家, 地址是511-517 Jalan Pasir Puteh, 31650 Ipoh, Perak Darul Ridzuan, 韜韜都有介紹過食干煎大頭蝦, 紹酒炆蝦頭, 屈巴丁魚腩, 棕櫚心菜, 煎鱈魚等等
干煎大頭蝦, 52元, 炒得夠惹味, 蝦肉爽口彈牙, 好味
侍應介紹食清蒸筍殼, 食完先知要索價170元, 唔抵食 !
侍應還介紹炒鬼豆苗, 原來是豆角苗
再加一個海鮮湯河, 一碗白飯, 河粉品質同香港差不多, 除咗干煎大頭蝦外, 食物水準只是屋邨酒樓質數, 這餐茶錢、花生、紙巾及6%稅, 共288元, 總結是唔抵食, 再揀過的話, 會去試老黃芽菜雞
酒店真大方, 客房內有免費白咖啡
2支水及3罐免費飲料, 晚上六點幾, 仲有酒店員工到客房派小食
食店位置圖

下一篇: 怡保檳城自駕遊 Day2

8 則留言:

  1. 我下星期六也出發去吉隆坡,怡保,檳城,正正可以睇住你既遊記揾嘢食 !!!

    回覆刪除
  2. 請問由怡保去檳城揸車大約要幾耐, 係咪過去都要比錢過穚呢 ???

    回覆刪除
    回覆
    1. 唔塞車的話, 約兩小時。進入檳城會收出、入橋費共7元, 離開檳城時, 不須收費, 情況跟青馬橋一樣。

      刪除