2015年9月30日 星期三

【日本富士山自駕遊】Day5 江之島鎌倉

日本富士山自駕遊  江之島、鎌倉

Day 5 - 5月24日  星期日  多雲

行程: 藤沢 - 江之島 - 鐮倉 - 橫濱  32km

住宿: INN橫濱櫻木町 (素泊, 免費Wifi, 7040円)


今日的目的地是江之島及鐮倉, 兩個離東京好近嘅地方, 見未去過又順路, 就加入行程內, 不過週日的江之島及鐮倉, 人車多到爆, 加上風景無乜特別, 所以感覺嘥咗一日, 另外江之島有兩種出名食物, 分別是白飯魚及八爪魚脆餅, 今次去江之島, 一定要試

昨日塞車途中, 經過間叫星乃珈琲
, 個名似曾相識, 記起係年頭去東京時想食又食唔到嗰間, 所以昨晚上網搵定資料, 間舖有停車場, 星期日開八點, 啱晒揸車去, 今日酒店無包早餐, 所以晨早退房去食早餐, 退房時仲回贈500円俾我地, 可能網上訂房時, 登記咗做會員, 未夠八點已經到達, 被店員發現我們在門口偷望, 準時八點, 店員放上掛布後, 向我們揮手指意可以入內
幾款指定早餐
環境幾好
有幾架舊衣車做擺設
星乃ブレンド珈琲(blend coffee)
エッグスラット套餐, 500円
フレンチモーニング套餐, 600円
另外單點厚切りカツサンド, 750円, 可惜個醋汁太多太酸, 令味道大打折扣, 完全唔好食
之後到江之島, 經跨海橋進入江之島後, 把車泊到離橋口最近的停車場
大橋旁的環境, 隱約看到富士山
江之島觀光地圖
離開大橋, 首先見到是青銅の鳥居
穿過青銅の鳥居後, 就是江島神社參道, 時間尚早, 大多數店舖都未開門
江之島郵局
凸凹堂, 原來是飾物店
進入江島神社後, 只需順路向左行就可以環繞江之島走一圈, 神社的鳥居
回望, 可以看到江之島海灘
神水
辺津宮
中津宮
水琴窟
途經江之島眺望燈塔
江之島大師
奧津宮
龍宮
龍戀之鐘
稚見ヶ淵
原來有船從大橋直達稚見ヶ淵, 船程約十五分鐘
岩屋橋
穿過岩屋橋便到達江の島岩屋入口, 入場費每位500円, 無乜好做, 所以俾錢入去睇睇
岩屋內分為二部分, 第一岩屋(全長152米)及第二岩屋(全長56米), 首先跳過第一岩屋, 去到最遠的第二岩屋
穿過隧道後再直行就到第二岩屋
途中先經過海岸邊的龜
第二岩屋
然後返回第一岩屋, 洞內較黑暗, 職員會派燈籠給遊客照明之用
岩屋內展示了一些浮世繪
然後走回頭路去食午餐, 剛才由山上下來的時候, 經過三間食店, 最高的一間景觀最好, 餐類選擇又係最多, 所以已經鎖定在這裡食午餐
點知記錯咗, 沖咗入去第兩間食店, 富士見亭, 其實想去食果間係魚見亭
有露台位坐
而且個景都幾好, 可以遠望富士山
周圍觀景
首先叫兩個凍飲解下渴, 江之島鐮倉Cider及可樂, 各325円
睇晒Menu都無生白飯魚飯, 大鑊, 仲比人話懶醒, 又唔睇清楚, 就一支箭咁沖入來, 仲話來江之島一定要食生白飯魚, 最後唯有叫個熟白飯魚套餐, 1080円
再點一個江之島親子丼, 個親子丼唔係鷄肉, 係配貝殼類海鮮, 980円, 兩個都幾好食, 但最可惜係無生熟白飯魚飯
食飽之後就繼續走回頭路, 途中有一個觀景位可睇晒整個江之島海灘, 係個滑浪聖地
返到江島神社參道的商店街, 中午時份, 周圍都人山人海, 買八爪魚餅, 要大排長龍
先要去自動販賣機購買食券, 八爪魚脆餅350円及龍蝦脆餅600円
然後排隊交飛換籌
掣作過程, 先將八爪魚或龍蝦放在機器中, 壓走空氣後, 再烤焗成新鮮脆餅
完成品
塊龍蝦餅食到有蝦殼位就變得又硬又韌, 唔好食, 相對八爪魚餅就好味好多, 成塊都卜卜脆
神社參道人頭湧湧, 見唔到龍尾
呢餐廳好出名, 江之島有幾間分店, 飯時間要排長龍
呢間分店門口有生白飯魚賣, 300円一小兜, 正, 可以食到生白飯魚喇 !
冰鎮青瓜
可能係連頭連內臟食, 點新鮮都係有啲腥味, 唔太欣賞 !
青銅鳥居外面, 有好多food truck買小食
再行去江の島展望灯台嗰邊睇下
約一點就揸車前往鎌倉, 泊咗唔夠四個半鐘要1540円, 離開大橋時, 仲有好多車等入江之島, 龍尾排到去江之島海灘中間位置, 途中經過鎌倉高校前站
去到鎌倉, 首先要去嘅地點係長谷寺, 周圍又係好多人, 加上入長谷寺嘅車龍好長, 所以決定唔等, 見有停車場就泊去, 再行去長谷寺, 途經鎌倉音樂盒店
長谷寺
入場費每位300円
長谷寺案內圖
寺內最宏偉的觀音堂
阿彌陀佛堂
眺望散策路, 在不同季節, 可觀賞不同的花種及眺望周邊環境
5月份有紫陽花
經藏
地藏堂
弁天堂
書院
離開長谷寺後, 就徒步到距離不遠的高徳院
入場費每位200円
高徳院內的鎌倉大佛, 比長谷寺更多人
之後到停車場取車, 費用750円, 出發到下一站鶴岡八幡宮
到達鶴岡八幡宮時, 見到對面有個停車場, 半小時500円, 雖然好貴, 但諗住泊一陣, 入面又泊咗好多車, 點知泊好車, 要先收2000円, 原來係有2小時最低收費, 仲要先俾2000円, 呢個係有史以來泊得最貴嘅停車場, 認真肉痛 !
鶴岡八幡宮入口
隨影
八幡宮
八幡宮旁邊的丸山稻荷社, 入口處有縱橫交錯的鳥居
其實鶴岡八幡宮不大, 半小時內就行完, 既然停車場有兩小時時間, 就到市內行下, 原來附近有條小町通, 非常熱鬧
大佛啤酒
行到小町通盡頭就係鎌倉站, 鎌倉站四周環境
兩小時之後, 就出發到横濱櫻木町的東橫Inn, 房內設備, 一貫東橫Inn的風格
房間的景觀, 可以看到摩天輪, 而且剛開始日落
所以立即出發到港口影夜景, 沿途邊行邊搵地方影相
World Porters
橫濱摩天輪
去到港口, 夕陽都差不多落晒, 而且有好多厚雲, 所以無乜晚霞睇
橫濱橋及直升機
隨影
影到八點就趕去勝烈庵本店食飯, 係間食天婦羅嘅老店
叫咗兩個定食, ロースかつ定食, 1620円
盛り合わせ定食, 2462円, 個樣望落似炸過火, 但味道總算OK 
之後繼續去便利店搵消夜, 買咗啤酒172円及和栗雪糕294円

上一篇: 日本富士山自駕遊 Day4
下一篇: 日本富士山自駕遊 Day6

4 則留言:

  1. 個早餐睇相覺得佢好好食,你唔講又真係唔覺佢唔掂。

    回覆刪除
    回覆
    1. 2個set都幾好味, 只係豬扒三文治唔好味姐!

      刪除
  2. 想問下容唔容易搵到泊車場? 尤其是長谷寺/江之島

    回覆刪除
    回覆
    1. 江之島有個好大停車場, 如果平日去, 問題應該不大, 週六、日就要早啲去到!
      沿路入去長谷寺, 有啲私辦的停車場(得幾個位果種), 如果平日去, 我做問題不大!

      刪除