2015年9月9日 星期三

【日本富士山自駕遊】Day1 富士山芝櫻公園

日本富士山自駕遊  富士山芝櫻公園

Day 1 - 5月20日  星期三  雲

行程: 東京成田機場 - 富士山芝櫻公園 - 本栖湖 - 精進湖 - 河口湖  259km

住宿: 秀峰閣 湖月 (部屋:和室12.5畳 湖畔側, 包早晚餐及Wifi, 41040円)



今次日本自駕遊, 目的地是富士山一帶, 由於只有短短六天, 為免把過多時間花在駕駛之上, 所以不打算走得太遠及過多景點, 行程以芝櫻及富士五湖為主, 之後順道重遊箱根, 不過在出發前, 箱根火山區出現不穩定而封山, 所以匆匆把箱根行程改為西伊豆一帶, 最後的行程定為:
Day 1及2 : 富士山芝櫻公園, 富士五湖, 宿河口湖溫泉旅館
Day 3 : 白系の滝, 沼津, 宿戸田溫泉旅館
Day 4 : 西伊豆, 宿藤沢市
Day 5 : 江之島, 鎌倉, 宿横浜市
Day 6 : 横浜
今次選擇了首次乘坐的廉航香草航空, 零晨機出發, 夜機回港, 雙人連稅加一件30kg寄艙行李, 票價共港元4016, 時間好價錢亦算不錯, 出發當晚提早到達機場, 希望盡早checkin, 取得較理想的座位安排, 但原來香草航空的櫃台(包括成田機場那邊)不會提早辦工, 準時登機前2小時才辦理check in, 結果櫃台前大排人龍, 情況有點混亂
幸好亦能準時起飛, 及準時七點前抵達成田機場, 再經由第三航廈入境, 在今年四月才正式啟用的第三航廈, 外觀十分常簡陋, 沒有任何裝修, 完全不覺身處日本的國際機場
今次航班之內, 大半乘客都是廿歲左右的青少年, 頓時覺得我們成為耆英一類
今次租車依舊經由Tocoo網站租車, 但發現多年來原用的網頁, 今年忽然來個大變身, 結果怱怱忙忙加糊裡糊塗之下, 選了成田機場內, 最早開門及最平的Budget租車公司, 結果犯下了今次首個錯誤, 而且直到出發當晚才發現所選的Budget分店, 不在機場內, 還要花100円致電他們來機場接送到附近的成田店取車, 浪費了不少時間

今次租用JS Class的車類, 被安排的型號是Toyota Vitz, 行駛了四萬多公里, 算是較殘舊, 六天租金連稅是31500円, 租金包括基本保險, 不過今次Tocoo新增了一項強制項目, Tocoo Additional Support (TAS), 每天810円, 六天是4860円, 所以租車費用合共36360円, 多了這個強制項目, 相信下次未必再考慮Tocoo了!

完成手續後, 在八點半出發, 前往富士山, 預計到達時間是十點半, 如非大意, 選錯租車公司, 能直接在機場取車的話, 應可早半小時出發
沿高速公路進入東京區後, 便看到晴空塔, 周圍天氣十分之好, 看來行程第一天便可看到富士山了, 但在不久之後, 竟然不小心離開了高速公路, 需要重新進入, 不但多付一次930円的費用, 還因道路維修關係, 在高速公路遇上大塞車, 當中有廿多公里路以龜速行駛, 花了個多小時才駛離塞車路段, 其後再看清楚收據時, 原來在指定時間內, 重入相關高速路段, 只要出示收據, 便無需再付路費, 又再破財, 扣除多付的930円, 由成田機場到河口湖的總路費是5110円
到達河口湖已經12點了, 比預算足足遲了個半小時, 所以先去食午餐, 今日安排到富士山著名老店 - 河口湖北本店ほんとう不動, 食富士名物ほんとう
食店只有幾款食物供應
馬肉剌身, 1080円, 幾年前在九州食過, 今次再試, 馬肉入口無乜渣, 唔難食, 但一諗起係馬又係生肉, 抗拒多過欣賞, 感覺依舊
ほんとう, 1080円, 食店主打食品, 其實是南瓜湯底的蔬菜、菇粗麵(類似烏冬), 以燒熱的大鐵鍋奉上, 熱辣辣, 超大鍋, 開頭食, 味道都不錯, 不過越食越"寡", 越食越杰, 一人一鍋, 食到一半已經唔想食落去了.....
店內環境, 店員以奔跑方式送鐵鍋麵ほんとう, 見到就怕, 如果意外淋到, 肯定大件事, 完全無必要, 認真做作, 真係多嚿魚
進入富士山區後, 天氣已經轉差, 陰晴不定, 餐後, 連僅餘的藍天亦消失, 跟同伴商議後, 決定繼續前往本栖湖的富士芝桜まつり會場, 假若明天天氣轉好, 最多重遊一趟, 富士芝桜まつり會場, 入場票每人520円, 停車場費用500円
天氣一般, 再加上芝櫻的花期臨近尾聲, 但仍然不乏遊人
園內有四、五種不同顏色的芝櫻
來張假富士山
園內的芝櫻梳梳落落, 頂多只有剩下三成
隨影
場內有收費展望足浴
最可惜是欠缺富士山作背景
去日本, 食雪糕已經成為指定動作, 每個350円, 比以前貴了很多, 從前的公價只需約250円, 山梨縣盛產白桃, 其中一個當然選擇白桃味, 有少許果肉, 但味道只是一般
遠處突然傳來巨嚮, 原來是來自炒栗子機
再來隨影
本栖湖在富士五湖當中位於最西邊, 就在會場附近, 所以離開會場之後, 順勢到本栖湖走走
湖邊只有幾位遊人, 非常冷清, 亦看不到富士山, 而且本栖湖的名牌被兩名單車友霸佔著, 全沒有離開的意慾, 所以連本栖湖的名牌相片亦欠奉
再到本栖湖的中ノ倉展望台
中ノ倉展望台, 由左至右的觀景, 依然是不見富士山
之後回程返酒店, 路過精進湖, 終於看到世界文化遺產的富士山, 雖然只是若隱若現, 亦總算看到
湖邊有不少釣魚翁
順道到酒店附近的河口湖自然生活館
及旁邊的大石公園
大石公園內有條花街道
及溫室花園
園內隨影
富士五湖之中, 河口湖住宿的選擇應該是最多, 所以這兩晚都會住在河口湖, 首要是要有湖景及富士山景, 最後選擇了兩間較受歡迎的溫泉旅館, 各住一晚, 今晚先住在秀峰閣湖月, 湖則客房, 有湖景及富士山景, 一泊兩食, 晚餐部屋食(在房內吃晚餐), 房間環境
室內及露台
可惜富士山免全被雲層遮蓋了
小食
小休後到了浴埸浸溫泉, 大堂有免費啤酒給客人飲用, 好酒一類的喜訊
另外酒店附設的小賣店還有白酒試飲
酒店餐廳
晚餐在房內享用, 是我們最喜愛的方式, 今晚晚餐是山梨特産「甲州ワイン豚」會席料理, 這種豚盛產於山梨県甲州市塩山, 特別之處是以山梨県自豪的酒來飼養, 每頭約飲150公升, 使肉質更柔軟, 年產量約350至400隻, 今晚的餐單
食前酒
白兔原來是酒杯的一部分
先附(前菜)四款
椀(吸物)
造里(刺身)
台物(甲州のワイン豚鍋)
溫物
強肴(洋皿)
酢物沒有影相, 食事(飯, 赤味噌湯及漬物)
水果子(甜品)
晚餐之後, 再到浴場浸浴
今晚無人, 可以用電話影相, 露天風呂對正富士山, 如果天氣好, 可以對著富士山浸浴
室內溫泉
回到房間, 床墊已經舖好, 還放了幾枝薰衣草在枕頭旁, 有安睡作用

下一篇: 日本富士山自駕遊 Day2

6 則留言:

  1. Additional Support (TAS)係保D乜野架?

    回覆刪除
    回覆
    1. 主要係免支付N.O.C. (營業損失賠償)及道路救援服務, 冇乜用。因為用開Tocoo, 及好遲先租車, 所以無再揾其他, 今次當頂住先!

      刪除
    2. 唔係噃,營業損失賠償都係重要架,真係出事,都有保險保障嘛。

      刪除
  2. 我在九月到九州自駕時,都無食馬肉剌身,就係知道是馬肉,點都唔想食。

    回覆刪除
    回覆
    1. 除馬剌外, 九州仲有雞剌, 夠膽試嗎? 我就真係冇勇氣試 !

      刪除
    2. 講真,真係無膽試架。

      刪除