2015年7月14日 星期二

【台中自駕遊】Day1 賞桐花、觀螢火蟲

三日兩夜台中自駕遊  賞桐花、觀螢火蟲

Day 1 - 5月1日  星期五  密雲有雨

行程: 香港 - 台中 - 苗栗油桐花坊 - 苗栗岩川  79km

住宿: 苗栗民宿岩川 四人房 (5900台幣, 免費Wifi及早餐, 晚餐每人380台幣)

睇過「3日2夜」旅遊節目之後, 就身痕想走返轉, 去得太遠的話, 時間未必夠用, 所以揀了最近的台灣, 年三十晚買了香港快運回來台中機票, 連稅而沒有寄艙行李, 於5月1日出發, 每位$1536, 今次三日兩夜的行程重點是油桐花及螢火蟲, 2月中開始計畫行程及訂住宿, 但原來很多熱門住宿已經爆滿了

上機前, 到Lounge食個早餐, 今天的早餐相當豐富
還有朱古力蛋糕及木糠布甸
今次直接坐接駁巴士登機, 雖然遲了一些起飛, 但仍然準時到埗
出境後, 馬上見到銀行, 立即用銀聯咭提款, 再到中華電信為電話咭增值
台中機場好細, 再行出去, 就是出境大堂
大堂內有格上租車櫃台
大堂頂的裝飾, 似足單車頭盔
今次租車揀了艾維士, 機場內沒有櫃台, 要行去機場對面的分店取車
租用上次偏好的Audi A1, 戰車早已準備在門外
辦好手續, 立即出發前往第一站, 苗栗油桐花坊, 可惜今日天氣麻麻, 還有毛毛細雨, 途經客家大院橋
到達油桐花坊前, 有段幾公里上斜山路, 好多台灣Blog友都話極之難行, 又斜又窄而且好多地方都唔夠位同時上落, 經常塞死, 好彩當日唔算太多車, 而且架細車夠力又靈活, 就位避車好容易, 輕輕鬆鬆便達到目的地, 不過油桐花坊內只有少量車位, 全部爆滿, 幸好附近有個爛地停車場, 馬上泊入去, 收費100台幣一次

在進入油桐花坊的馬路口, 已經有油桐樹

要走一段路才可到達油桐花坊
原來油桐花跟常常聽到的「桐油埕始終都係裝桐油」的桐油有莫大關係, 油桐樹的花就是油桐花, 而桐油則由其種子榨取而成, 因帶黏性及防水的特性, 早期被用作修補船隻之用, 由於油桐樹遍佈全台灣, 每年四、五月是油桐花盛開的季節, 到處都可以欣賞到油桐花
沿路首先經過另一間民宿攬月莊
之後便看到油桐花坊的牌匾
如非住客, 必需消費才能進入, 到達時才知道有分餐廳及飲料區, 本來是打算到餐廳食下午茶, 但人太多了, 不知要等多久, 所以選擇飲料區, 可以即時入內, 每位費用200台幣, 包自助飲品任飲及一包曲奇
餐廳
而庭院中央有一棵油桐樹被稱為桐花樹王, 就是它令油桐花坊大受歡迎
由於這棵油桐樹王的花朵數量超級多, 在每年盛開的期間, 油桐花就會滿佈地上, 亦因為這片景象, 吸引了我們到此一遊, 以下相片來自油桐花坊
桐花樹王前的草地
民宿大樓
找了一個靠邊的座位後, 先到飲料區憑票取杯, 再到自助區揀選飲品, 雖然價錢與餐廳下午茶相差無幾, 但原來杯子是可以拿走, 所以價格分別不大, 這是離開後才發覺的, 因為部分人手中拿著杯子離開, 結果我們白白損失了一份記念品
飲品選擇不多, 有沙冰、果汁及咖啡之類
之前在遠處看到的油桐花坊, 原來是老闆一家的住處
庭院環境
餐廳內, 可以到二樓的觀景台
要欣賞到遍地花海的景色, 除了要盛開的日子及清晨時份訪客尚未出現前, 還要在這裡投宿一宵
二樓觀景台的景色
再到庭院散步
散落在地上的桐油花
周圍山頭也有少量盛開的油桐樹
逗留了個半小時後, 便出發到今晚的住宿, 苗栗民宿岩川, 約半小時車程, 由油桐花坊到民宿的途中, 沿路一帶全是士多啤梨園

五點多到達民宿, 先經過遊客停車場
才到達住客專用的車位
民宿周圍都有宣傳螢火蟲的標語, 螢火蟲季, 一定要來!
螢火蟲, 我們來了!
民宿還有舉辦螢火蟲導賞團
房間銷匙, 扣的裝飾實在太
因為開放訂房當晚, 5分鐘內, 首選5月2日的房間全被預訂, 而5月1日亦只剩下一間四人房, 所以別無他選, 只好訂四人房, 房間環境, 尚算乾淨
附設露台
洗手間的設計不太好, 沒有浴廉, 沖涼後地上全是積水, 亦沒有地方擺放衣服
晚餐前, 先周圍看看環境, 民宿主樓
接待處及餐廳
附近放了一些用於拍攝螢火蟲用的擺設
晚餐分三個時段, 五點、五點半或六點, 我們的晚餐時段是六點, 所以要參加最後一批的螢火蟲導賞團
餐廳
晚餐有沙律及餐湯
主菜五選一, 點了日式炸豬排
新疆孜然雞腿排
甜品, 總括來說, 味道一般, 香港快餐質數
晚飯後, 參加七點的螢火蟲導賞團, 分批上山行一圈, 出發前須知
出發前先來一張試影, 因為有月光, 長曝30秒下, 黑夜變成白色
行了十分鐘, 覺得悶就離團去揾地方影相, 雖然螢火蟲無預期中咁多, 但周圍亦有大約幾十至一百隻左右, 在草叢及樹木之間飛來飛去, 好似有少量燈飾的聖誕樹, 閃下閃下, 睇就幾靚, 影相就有難度
由於今次旅行無買寄艙行李, 所以只帶了小腳架, 再加上有月光, 周圍都幾光, 長曝有些困難, 影咗大半個鐘就放棄, 改為散步欣賞, 不知不覺間就過了兩小時, 總括來講, 今次螢火蟲體驗都算幾特別及難忘, 亦對今日這兩個行程都非常滿意

上一篇: 三日兩夜台中自駕遊 Day2

2 則留言:

  1. 嘩! Banner 靚 c 人. 係邊度影?

    我上次係花蓮餐廳食飯, 同老板講我地想揾地方報名睇螢火虫, 老板話唔駛報名, 佢帶我地去後山睇. 隔離幾台客人跟住我地. 我見最靚既係 Sabah, 螢火虫堆在樹上.

    回覆刪除
    回覆
    1. 係富士山及河口湖, 5月中去咗玩幾日, 張相在酒店房影, 當日勁清!

      咁正, 免費之餘又人帶隊, 認真好彩! 睇螢火虫真係幾特別, 可惜今次去啱啱過咗高峰期 !

      刪除