2015年3月9日 星期一

【新加坡聖誕之旅】Day5 聖淘沙

新加坡聖誕之旅  聖淘沙

Day 5 - 12月28日  星期日  雲

行程: 牛車水 - 聖淘沙 - 香港

住了兩晚的Carlton City Hotel外觀, 它的位置相當方便, 距離綠線的Tanjong Pagar站只有兩、三分鐘步程, 跟樟宜機場站同屬綠線, 所以來去機場十分方便, 如要到聖淘沙的話, 只需坐兩個站即可到達Harbour Front站, 便能轉乘相關交通工具, 另外, 酒店對面有Tanjong熟食中心及24小時超市, 距離麥士威熟食中心及Chinatown亦只有約十分鐘步程, 加上酒店非常新淨, 所以是個不錯的選擇
今早先到麥士威熟食中心找地方吃早餐
麥士威熟食中心
行了一圈, 決定咖喱印度薄餅
炒麵及新鮮油炸鬼
再加另一間人氣食店-真真粥品, 要排隊買粥, 當時一路排一路諗, 要吃粥香港周圍都吃到, 點解要排隊咁戇居, 但開始咗又唔想就咁走, 結果排了將近一小時才買到的魚片粥及魚腩粥, 屬於港式粥品, 跟香港比較, 屬一般質數, 老闆夫婦似係香港移民, 今次真係嘥晒啲時間, 排隊食香港嘢
幾乎所有排隊嘅人都買的魚生, 所以唔執輸加返個細魚生, 幾好味, 新鮮彈牙
食晒所有嘢已經飽到上心口
但係見到天天海南雞飯已經開咗檔, 唔想轉頭再來過, 所以再食多個雞脾飯先走, 雖然雞肉無乜雞味, 但個飯就又香又好味, 兩、三分鐘就清咗碟雞飯, 整體比星和好得多, 咁嘅價錢屬中上貨式
離出發去機場大約還有四小時間, 所以決定到聖淘沙行個圈, 約十一點到達聖淘沙站, 入口處人山人海, 不過效率好快, 等了約15分鐘便上了單軌電車
聖淘沙單軌電車
聖淘沙線有四個站, 分別是聖淘沙、濱海、英比奧及海灘站, 直接坐車到尾站, 由尾玩返轉頭
尾站有好多嘢玩, 有空中飛人
Skyline luge
Segway
再行入去就係個超細沙灘
再坐免費Shuttle返沙灘站
本來想繼續去濱海站的環球影城睇睇, 點知等單軌車時, 再睇下飛機時間, 發現原來睇錯時間, 沒有4個鐘玩, 馬上走人, 返酒店攞行李去機場, 見仲有少少時間剩, 就再去味香園食多次冰, 今次各自叫自己喜歡的口味

咖啡刨冰
榴槤刨冰, 今次翻食好似無咁好食
本來打算坐MRT去機場, 最後要坐的士, 承惠17坡紙, 過關後, 又要忙著去買班蘭蛋糕
跟住趕去食多餐, 新加坡樟宜機場環亞候機室 - Green Market
估唔到份免費餐有自助沙律吧
及一份日式午餐, 幾精緻, 味道又唔錯喎!
食飽又夠鐘上機
差不多到起飛時間, 又開始落大雨
ezlink卡留番下次再去或過境新加坡

上一篇: 新加坡聖誕之旅 Day4

沒有留言:

張貼留言