2014年5月2日 星期五

【挪威芬蘭極光之旅】裝備篇

挪威芬蘭極光之旅 禦寒及裝備篇

事前對這趟旅行的印象, 最深刻大概就是凍, 而且是非常凍, 所以在保暖禦寒方面必須要好好準備, 眼見這類裝備重用機會很少, 為減低成本, 部分物品會在淘寶內選購, 亦是首次在淘寶開戶口購物, 原來真係會越淘越上癮!

芬蘭DNA台3G電話咭
友人剛從芬蘭旅行回港, 送了我們一張3G電話咭(上圖), 並說明使用方法, 所以解決了電話及上網問題, 後來在芬蘭機場看到有自動販賣機, 售買這張DNA prepaid SIM card, 但注意有效期只有七天

防水保暖外套
已經有件Goretex 2合1外套, 為加強保暖功能, 每人在Uniqlo買了件薄羽絨, 加在Goretex與抓毛內膽之間, 但沒有顯注保暖效果, 可能天氣沒有預期的凍, 日間約零度, 晚間最凍只是負幾度

防水保暖雪鞋男裝
購自淘寶的雪鞋, 與實物一樣, 售價119人仔加30人仔直送香港順豐店取貨, 除較侷腳外, 其他都非常好, 當初還擔心QC問題, 所以每人多帶一對鞋
防水保暖雪地短靴Hi-Tec女裝
購自淘寶的雪地短靴, 與實物一樣, 售價120人仔加39港元直送香港順豐店取貨, 防水保暖不錯, OK舒服
狼爪防水抓絨保暖褲
除了已有滑雪褲外, 每人買了一條Uniqlo雪褲, 及購自淘寶的防水保暖褲, 與實物一樣, 售價約100人仔, 防風防水效果不錯, Uniqlo的較保暖, 兩條褲都算抵買
保暖褲男
內衣只有Uniqlo Heatech內衣, 無得比較, 保暖褲除帶了已有Columbia, 跑步Tight, 及亞伯棉褲外, 還買了Uniqlo Heatech褲, 保暖效果最好是Columbia, 最廢是Heatech褲, 其他一般

另外還有購自淘寶的北極絨套裝, 售價79人仔, 太貼身, 穿得不舒服, 唔覺特別保暖, 可能天氣不太凍, 個人覺得無用
保暖褲女
帶了已有的Uniqlo冷legging, 保暖效果幾好, 另外還有購自淘寶的北極絨套裝, 售價79人仔, 太貼身, 穿得不舒服, 唔覺特別保暖, 可能天氣不太凍, 個人覺得無用
户外防風手套
除已有的滑雪手套, 還有購自淘寶的防風手套, 售價38人仔, 雖然不能百份百防風, 但很輕巧, 最有用, 全程都是穿著這對手套
户外面罩及帽
買了Uniqlo的獵人帽, 99港元, 只在晚上等極光時用, 非常好及保暖
每人還帶了韓國買的面罩, 拉低就變成頸巾, 不會遺失, 輕巧得來又方便, 相當好用 
還有購自淘寶的户外面罩, 售價10人仔, 平平地淘來試下, 傍身用OK
反恐面罩, 購自淘寶, 售價12人仔, 太窄, 無用

買了一大埋Uniqlo Heatech襪, 因為聽聞要著兩、三對, 個人覺得一對都OK, 還有購自淘寶的澳洲羊毛襪, 售價11.5人仔一對, 抵著
電筒
12元店買了兩支電筒仔, 再加購自淘寶的頭燈, 售價12人仔, 兩盞有一盞壞, 全程無用過, 電筒仔最方便 
電水壼
主要用來煮麵及煮金寶湯包, 價錢129港元

上一篇: 挪威芬蘭極光之旅 預備篇
下一篇: 挪威芬蘭極光之旅 行程篇

30 則留言:

  1. 嘩~~都要準備幾多嘢喎...

    回覆刪除
    回覆
    1. 主要係保暖o野, 驚會好凍, 話晒會有幾晚露宿街頭, 凍上來都可以應變, 不過部份都用唔著, 其他都係濕濕碎碎, 可有可無!

      刪除
  2. 嘩, 準備咁多野? 我只係將平時香港冬天著o既衫著多幾層咋。
    傳統羊毛內衣最保暖, u牌的heatech的確好廢

    回覆刪除
    回覆
    1. 濕濕碎碎, 都幾多野, 仲有水煲, 食品都已經無寫到!
      但呢類"虧"佬衫褲, 家陣貴到冇朋友呢!

      刪除
    2. 我覺得您寫得好有心機,好細節您都會寫,好幫到自由行經驗唔多嘅blog友。我就只係以記錄旅程為寫blog嘅最大目的

      刪除
    3. 過獎喇! 其實都係順手, 反正o的料已經存正。另外, 寫多少少, 當睇返時, 可以勾返起一o的我地遺忘o左o既回憶, 順便回味下!

      刪除
    4. u牌的heatech <-- 係咩,係香港著到幾得個喎,可能係凍嘅地方真係無料到

      刪除
    5. 佢果條男裝Heatech保暖褲, 薄過絲褲, 仲要99元, 又貴又唔保暖lor!

      刪除
    6. 作者已經移除這則留言。

      刪除
  3. 我都覺得寫得好好....幫助到未出發既自由人!! Taobao貨真係好抵,爛左/用唔著都唔肉痛!

    回覆刪除
    回覆
    1. 尤其係少用的東西,Taobao一定幫到你!

      刪除
  4. 嘩~~~ 不過去一轉真係要敗好多野, 所以跟住連續兩年都要去涷既地方, 著多兩次抵啲呀~

    回覆刪除
    回覆
    1. 以當時天氣而言, 有好多野都唔太有用, 遲D要update遍文一下, 寫清楚D, 以免誤導各位讀者!
      所以....., 為免浪費, Taobao為首選!

      刪除
  5. 想問可以post買雪鞋同雪褲間淘寶店條link嗎?thanks.

    回覆刪除
    回覆
    1. 男裝防水保暖雪鞋
      http://item.taobao.com/item.htm?spm=a1z09.2.9.183.2ReztU&id=18737355480&_u=n1pefrvg8abd

      女裝防水保暖雪靴
      http://item.taobao.com/item.htm?spm=a1z09.2.9.169.2ReztU&id=36781801619&_u=n1pefrvg39e3

      裤 - 相關貨品已經下架, 所以條link已經無效, 你可以試下在淘寶Search以下貨品
      狼爪户外 抓绒保暖防水冲锋裤

      刪除
    2. thanks a lot. 你個blog做得好好, 加油!

      刪除
  6. 我今年12月去芬蘭,成-40度真係唔知著咩好....好彩有你個BLOG參考!!!THANKS!!!
    想問上身著U牌HEAT-TECH打底OK嗎,仲諗緊買唔買?
    下身你著左幾多條褲? (一條U牌冷LEGGING、一條保暖褲、最出面狼爪户外抓绒保暖防水冲锋裤)???

    回覆刪除
    回覆
    1. 我地去果段時間好在唔太凍, 晩上只係負幾度, 所以簡單保暖已足夠。
      上身U牌HEAT-TECH打底, 個人覺得唔係太保暖, 而下身只係打底褲, 再加一條褲(雪褲或狼爪褲), 已經好夠。
      我未試過負幾十度咁凍, 所以唔知要著成點先夠暖! 比唔到有用建議你添!

      刪除
  7. 請問電水壺在哪裡買的?白色好漂亮,啥牌子?

    回覆刪除
  8. 作者已經移除這則留言。

    回覆刪除
  9. 請問芬蘭的上網卡在挪威可以使用嗎?謝謝

    回覆刪除
    回覆
    1. 唔清楚, 我都係由挪威返芬蘭, 先至用呢張上網卡。

      刪除
    2. 那請問你在挪威有買上網卡嗎 Thank you

      刪除
    3. 因為挪威只係去Tromso, 所以無用上網卡。

      刪除
  10. 以上淘寶link已經下架 請問可提供店名嗎?
    我1月尾會到挪威和冰島,你的資料對我來說幫了很大的忙
    ������ thank you

    回覆刪除
    回覆
    1. 剛check私底下的淘寶link記錄, 正如你所講, 多數已經失效了。至於店名, 因為有好幾個月無上淘寶, 兩個月前發現我的淘寶account被人hack了, 登記電郵又被改了, 已經無法再登入, 以往購貨記錄都無得睇返, 好慘 ! 網上真危險 !
      所以幫唔到你!!!

      刪除
  11. 請問在芬蘭機場的上網咭有沒有英文說明指南?

    回覆刪除