2014年4月18日 星期五

2013德國奧地利自駕遊Day16 及 Day17

2013德國自駕遊 慕尼黑市內觀光

Day 16 - 10月19日 星期六 大致天晴

Munich (慕尼黑) - 香港

今日是行程最後一天, 之後就坐十點半夜機返香港, 由於要坐火車去機場, 而慕尼黑又有交通日票, 所以行程上需要使用交通工具的景點都安排在今天, 慕尼黑的交通日票跟法蘭克福很相似, 交通工具包括S-Bahn(市區鐵路), U-Bahn (地下鐵), 巴士及電車, 有Single及Group Ticket, Group Ticket可供最多五人同時使用, 兩張Single ticket已經貴過Group Ticket, 同行人數是兩人或以上, 就一定買Group Ticket, 由於尾程需要去慕尼黑機場, 所以買了Airport-City-Day-Ticket Group, 票價20.4歐, 亦可以買MVV Day Ticket Group, 但必需是全區, 票價相同
今日行程只有兩處地方, 分別是Schloss Nymphenburg(寧芬堡)及Olympia park一帶, 把行李寄存在酒店後, 就去慕尼黑中央車站買日票, 之後在中央車站外面坐17號電車, 十多分鐘車程, 落車後沿河行數分鐘就到達寧芬堡
寧芬堡
持巴伐証可免費入場, 入口在記念品店旁, 有免費Locker, 隨身物品及袋必需放在Locker, 入場後就是大禮堂, 禮堂頂是幅天花牆畫
兩旁有幾間廳房供參觀, 但相對較失色
最靚都係大禮堂
再到後花園, 條直路好長, 加上好曬, 睇下就走人
離開要走回頭路
兩旁有樹木襯托的寧芬堡更加靚
之後坐電車返中央車站, 轉坐U-Bahn, 先搭U2線去Scheidplatz站, 再U3線去Olympiazentrum站, 附近有三處地方可以睇下, 有BMW Welt, BMW Museum, 及Olympiapark

一出Olympiazentrum站就見到Olympiaturm
第一站先去站旁的BMW Welt
參觀完就經連接天橋行過去BMW Museum, 去到BMW Museum就可以睇返BWM Welt的外貌
BMW Museum
入場要收費, 所以只於開放區看看
再行去Olympia Park
游池
Olympiastadion
上去要排長龍及付入場費, 食雪糕好過
臨走時看到這棵樹葉顏色很特別的樹
之後坐U2線返市中心, 會經瑪利恩廣場, 所以在Sendlinger Tor站落車, Sendlinger Tor
Asamkirche教堂
內部和一般教堂不太相似, 很深沉, 有種神祕感
門口位
返回瑪利恩廣場
廣場上的Fishbrunnen(漁人噴泉)
順便周圍搵下有冇Tea食或晚餐好選擇
Haxnbauer
最後去咗中央車站食Burger King, 順便抖下, 點知有人打架加爆樽, 但周圍無乜人理
食完都係五點左右, 仲有時間, 睇下觀光地圖, 酒店東面有兩個好近的景點, Paulskirche及Bavaria, 所以先行過去睇下Paulskirche, 不過維修中, 周圍又好靜, 加上之前見到爆樽流血事件, 影響心情, 所以決定早啲到機場行下及辨理退稅, 點知今日火車又有阻滯, 要七點多才到達機場
在慕尼黑機場辦理退稅方法:
1. 先去check in及領取boarding pass
2. 連boarding pass、退稅物品及跟商店準備好的退稅表, 到海關打印(stamp), 之後行李可在這裡直接寄倉
3. 最後到Global Blue櫃台(如果使用Global Blue退稅表)辦理退錢, 當日是星期六, Global Blue辨公時間到晚上10點, 9點後不作現金退款, 只接受信用咭退款, 如不想排隊, 可將所有資料入在Global Blue信封及放入Drop in Box即可

當日因我們兩個喼都要退稅, 所以check in時, 要同地勤講我們要辦理退稅, 行李先不寄倉, 不過退稅時撞到前面有一大班中東人, 佢地勁多單, 用咗個幾鐘先stamp完, 行李就在stamp處一齊寄倉, 再到Blue Global櫃台辦退錢, 不過有中東人及歐洲人打尖, 排咗好耐, 差不多在Blue Global關門前先搞好, 但巳不能直接退現金, 要由信用咭退款, 又白白浪漫個幾鐘, 早知放入Drop in Box就算, 之後差不多要極速跑去過海關及安保, 真係估唔到5個鐘前出發去機場都會攪到咁忟, 要上機前45分鐘先去排隊過海關, 最後過完海關, 連個機場都未睇清楚就要即刻上機, 連行免稅店的時間都沒有, 激氣!

亞聯酋航空的飛機餐都幾好, 慕尼黑到杜拜那程的飛機餐
在杜拜轉機回香港
杜拜回港那程的飛機餐
在天鵝堡買的手信, 20歐
參觀鹽礦時, 所送的紀念品
最後整過旅行都圓滿順利地完結!!

17 則留言:

  1. Asamkirche 好靚. 睇完你的遊記好心急想即刻出發, 還有一個月. 你的照片真係好靚, 請問你是否帶了很多鏡頭?

    回覆刪除
    回覆
    1. 睇過不同教堂之後, 再睇Asamkirche, 份外不同, 有股好神祕感覺, 但無法由相片中表達出來.
      只帶了2枝鏡, 主要用 N記 24-120mm f/4G ED VR, 有VR室內很正, 室外有水地方會試下加HoyaCPL filter
      間中用下N記 18-35mm f/3.5-4.5G ED 影建築物
      而朋友就用EOSM加22mm餅鏡當DC用

      刪除
  2. 你寫這個行程內容太好了...我8月也計劃去...你這個行情幫了我很多..謝謝..
    係呢...想問多你小小有關GPS的問題..你有自己帶嗎? 還是全部用車內置 ? 一般入地址就可以?準確嗎? 因我第一次自駕...有點緊張去到唔識路...謝謝

    回覆刪除
    回覆
    1. 1. 有用下個iphone Apps, 叫NAVfree Germany, 免費的, 幾好用, 市內行街及搭車會用下, 又可當GPS Backup solution
      2. 主要用BMW個GPS, 非常準, 就算GPS個Database冇exact地址, 都去到附近, 成個trip只係來回民宿與國王湖之間條路, 唔識簡條最短的path, 但去到目的地, 唔駛驚
      3. 想穩陣, 加埋iphone apps 的NAVfree做Backup, 除左駕車用, 呢個apps在市內搭車好有用, 如果有Daypass, 方向正確就上車, 見唔對路就轉車, 唔駛煩

      刪除
  3. 係呢...問多樣...你有冇買卡上網?如果有可否分享有開資料..謝謝

    回覆刪除
    回覆
    1. 曾經見人介紹過張Fonic prepaid card, 好似要經德文website去activate, 諗住見到就買來試下, 最後都未見過, 所以冇用過當地3G上網 card.

      刪除
  4. 作者已經移除這則留言。

    回覆刪除
  5. 我的德奧之旅完成了,真的好多謝你寫嘅blog,令我個旅程順利很多。因爲好多行程,路線甚至酒店我都參考你個blog (其實係抄你 ^^),十分感激! 不過我由慕尼刻開始,終點是柏林不是Frankfurt

    唯一就係你影嘅相靚過我的好多囉 ^^

    回覆刪除
    回覆
    1. 不用客氣, 最緊要啱使, 玩得開心順利, 其實我們都係周圍抄下。柏林, 諗過亦我都好想去, 不過時間有限, 留返下次!

      刪除
  6. 我呢次會買票入BMW Museum睇。

    回覆刪除
  7. 睇緊 Munich 既行程,你D相好靚!

    回覆刪除
    回覆
    1. 過獎喇! 終於輪到去德國? 南德有山有湖, 風景好正, 真係令人好懷念!

      刪除
    2. 我每次都係順道去德國2,3日,今次又係!今次主力去北意。想去 Audi factory 但星期六日唔開。 Munich 既時間要抄你既行程。 又係6月去。 希望下次再去可以秋天睇黃葉

      刪除
    3. 哈哈,最後有去BMW,但無去要買票入場既館睇。

      刪除
    4. Munich市內都係果堆地方姐, 唔駛抄, google一下已經list晒出來了! 我去Munich主要目的係買喼神:P

      刪除
    5. 我去 Munich 係返香港🤣

      刪除