2013年12月23日 星期一

2013德國奧地利自駕遊Day2


2013德國自駕遊  雨中的海德堡

Day 2 - 10月5日  星期六  雨

Frankfurt(法蘭克褔) - Heidelberg(海德堡)
112 km

住宿: Zum Pfalzgrafen Hotel (91歐, 包早餐, Parking 9歐, 無免費Wifi)

雖然天氣預測今天會有雨, 但就估不到咁快變得咁差, 昨晚似乎下了一整晚雨, 早上六點半, 外面還是漆黑一片, 上網看一看, 原來十月份的德國, 日出時間是在七點半左右, 既然已經起床了, 就照原定計劃出外走走及找地方吃早餐

可能是天氣及星期六關係, 周圍冷清清, 又無人, 先去交易所附近的牛熊雕像, 今日隻牛附近終於無人, 但一樣都影唔到張較滿意的合照


之後就沿路行返酒店, 經過Galeria商場, 入去看看有沒有Cafe可以食早餐,  可惜全部都未開, 不過超市Rewe就已開舖了, 咁就先加插行超市項目, 買咗Movenpick咖啡, Muffin及新鮮出爐的硬豬, Movenpick咖啡每杯買0.59歐, 好好飲, 只可惜係無熱選, 而新鮮出爐的硬豬只買0.17歐, 香港都無咁平, 而且又熱又脆, 好味, 相對上個Muffin就比下去

返到酒店, 收拾好就退房及去Sixt取車, 落雨拖著喼行, 真是非常不方便, 再加上又要經過Westin Hotel旁的Sixt分行就更加無癮

取車時, 最不想發生的事就發生了, 我們訂的BMW1系, 車行真的只能給與我們棍波車, 因為今天沒有自動波BMW1系, 看網上的人大都能安排自動波車, 為什麼沒有我們份? 最終我們只好加錢update到最便宜又有貨的BMW 5系的520d, 用Diesel, 有GPS, 再Upgrade個Loss damage waiver (Insurance excess Eur0, 即是全保), 再叫個靚女職員比多少少Discount, 最後埋單費用是963歐, 有5系揸又全保, 都唔算太貴喇! 但就比原定的貴多四百幾歐, Oh, NO! 詳情可看德國奧地利自駕遊預備篇

這位女職員見佢做嘢滋滋悠悠, 打字入機又只用兩只食指, 估不到辦好手續之後, 所有事都做得好足, 除了張預定的德文單, 再印多張英文單比我們, 又講解單上的內容, 包括車子損壞地方, 可到的歐洲國家等等, 然後帶我們到車場取車, 仲慢慢講解架車操作方法及GPS使用方法, 非常詳細, 而且全程笑容十足, 認真抵贊 

差不多用了一小時才做好所有事, 終於可以開始德國自駕遊, 向第一站海德堡出發, 可惜外面天氣依然不好, 不停下雨, 進入高速公路之後, 情況更差, 又雨又霧, 能見度非常低, 周圍的車輛又開得很快, 我們又未熟習架車, 所以只留在慢線慢慢行, 雖然進入無限制路段, 也不想開得太快, 架BMW個錶版非常清楚, 主要導航訊息亦顯示在錶版上, 包括下一個動作及路程, 交通訊號如車速限制及越線限制, 基本上不需要看GPS, 看錶版就足夠, GPS的接收及反應也相當好

由於高速公路上有交通事故, 所以要個多小時車程才抵達海德堡, 約十一點半到達, 但雨勢比之前更大, 唯有先去旅館, 雖然不能提早check in, 但可以先泊車, 老闆隨即把內園的閘打開, 不過通道非常狹窄, 內園亦很細, 駛入後基本上沒有足夠空位掉頭, 一定要倒車離開, 當初選擇住舊城內, 主要為方便在城內遊覽, 及容易駕車出入, 實際情況就是泊好車後, 已經不願再開車, 由其是架車算大, 出入舊城區及旅館, 也非常麻煩, 下面是旅館入口及內園的泊車位, 只夠四架車停泊

這間旅館的位置很方便, 行去Marktplatz(市集廣場)都只是三兩分鐘, 而Altstadt(舊城區)內的主要遊覽景點都在市集廣場附近, 今日原定行程是先去海德堡城堡, 行舊城區, 再去哲學家之路, 當初把哲學家之路放在最後, 目的是為了避開背光情況, 但現在沒有分別了

先去市集廣場一帶, 再行落去海德堡古橋, 這橋有很多名稱, Google map顯示名稱是Alte Brücke, 台灣遊記多數寫Karl-Theodor-Brücke、卡爾西奧多橋, 又或者叫古橋

Alte Brücke(海德堡古橋)前的圓塔入口, 圓塔前後分別不大, 正面
背面
圓塔旁有座猴子雕像, 好似摸過銅鏡或手指, 會帶來好運、財富或聰明, 總之係好嘢, 所以有理無理, 先亂摸一通

猴子雕像旁的小老鼠


就算是落雨, 海德堡古橋一帶都有不少遊客, 主要是亞洲人, 包括日本、韓國、中國, 最估不到還有很多泰國人





橋上可以看到雨霧中的海德堡城堡



橋邊的記念品店


Kornmarkt(穀物廣場), 在市集廣場旁, 中間是聖母像, 沿路往上行就是登山纜車站

由於雨越落越大, 似是長命雨, 完全無停止跡象, 所以先去食午飯, 而一早經巳選定了兩間餐廳, Gasthaus zum roten ochsen及Zum Guldenen Schaf, 它們都在海德堡的老街 (Hauptstrasse)上, 這條街商舖林立, 非常之旺

先去Gasthaus zum roten ochsen (又叫紅牛), 只是十二點多, 但全店巳坐滿人, 無位, 客人大都是亞洲人, 看似被團包了, 所以就去另一間Zum Guldenen Schaf (又叫金羊), 是一所百年老店


餐廳內觀



Radler 2.8歐
Grilled knuckle of pork with dark beer sauce, mustard, cabbage and dumpling potatoes 12.5歐, 隻豬手味道OK, 肉質不太鞋, 不過塊皮就好韌

Breaded pork-steak with a mushroom-cream-sauce served with homemade Spätzle (German noodles) 12.5歐, 豬扒有啲吉烈面, 夠鬆脆, 好有磨菇味, 豬扒較好, 這餐味道不錯, 算中上, 侍應都算有招呼


 海德堡之吻朱古力店(Cafe KNOSEL), 好貴, 空手離開



Hauz Zum Ritter(騎士之家), 在Heiliggeist Kirche(聖靈教堂)對面, 有四百多年歷史, 現在是酒店

之後就去海德堡城堡(Heidelberger Schloss), 登山纜車站位於Kornmarkt(穀物廣場)後面

我們沒有坐纜車, 沿纜車站旁的斜路上去, 大約十分鐘路程


城堡售票處前



入場費每人6歐
入場後的景觀更開揚

座落於市集廣場的Heiliggeist Kirche(聖靈教堂)





城堡內的Friedrichsbau (腓德列宅邸)

城堡內的酒窟, 內裡有餐廳及可參觀巨型大酒桶



大酒桶




城堡內的其他地方, 還有一間博物館


乘坐登山纜車的遊客, 是由下面的入口進入海德堡城堡, 而我們即由這處離開, 城門上的把手上有一道裂痕, 傳說是當時的國王承諾過, 如果有人可以用牙咬開把手, 就把整座城堡給他, 此裂痕就是一位巫婆, 在嘗試後而留下的

這個有裂痕的把手就在這個城門內

城堡外圍環境



沿山路離開, 約十分鐘路程, 出口是在一所大學(Biblioteca de la Universidad de Heidelberg)附近

先返旅館check in, 旅館外觀

房間有廁所浴室, 無熱水壼, 好細, 一眼睇晒, 但最緊要是床舖都算乾淨


休息一下, 外面已經沒有下雨, 再出動去Cafe Gundel食下午茶, 它在Kornmarkt(穀物廣場)那邊, 這間Cafe頗有人氣, 巳經四點幾, 還是人山人海


德國大部份食店都不會安排入座, 這間cafe亦一樣, 要自助搵位, 剛巧有人離開, 所以很快就有位, 先點飲品, 之後自己出去餅店那邊揀蛋糕, 點好後, 職員會寫張號碼紙比你, 自己再交比侍應

之後蛋糕及飲品就一齊送上, Latte Macchiato 3.3歐, Cappuccino 2.9歐, Cake Cappuccino 3.2歐及Apple Pie 2.7歐

原來間Cafe是德國2013之best乜東東?
餐廳內的環境

跟住就去Philosophenweg(哲學家之路), 由Schlangenweg(蛇徑)的一端開始行, 起點是在海德堡古橋圓塔的對岸





蛇徑開始行


昔日的海德堡
高處望下的海德堡及古橋



途中Tour玩Segway
哲學家之路另一入口, 對於我們就是出口


之後就由行車大橋行去Bismarckplatz, 再沿Hauptstrasse返回市集廣場Hauptstrasse又叫老街, 起點在Bismarckplatz, 一直貫穿到舊城區有各式商店林立 

有趣的刀座


出名聖誕飾物的Kathe Wohlfahrt, 海德堡亦有分店, 原來內裡是不可拍照的


行了一個大圈後, 又回到市集廣場, 騎士之家
聖靈教堂(Heiliggeist Kirche)


市集廣場的大力士像



穀物廣場聖母像

纜車站, 就在穀物廣場後面

不知名的噴泉

跟住去返食唔到午餐的Gasthaus zum roten ochsen(紅牛餐廳)食晚飯去到之後, 仲未肚餓, 又太食得落, 可能Tea無耐, 最後決定影張相就算, 等晚少少再食個簡單晚餐


休息過再周圍影晚景, 可惜再次下雨, 而且越來越大






最後返回旅館食乾糧作晚餐, 結束傘不離手的一天, 並希望明天回復晴天吧!  

以下是今天的食店及景點位置


A. 城堡登山纜車站
B. Kornmarkt(穀物廣場)
C. 海德堡古橋的圓塔入口
D. Schlangenweg(蛇徑出口)
D-E. Philosophenweg(哲學家之路)
F. Bismarckplatz
F-G. Hauptstrasse
G. Marktplatz(市集廣場)

3 則留言:

  1. 我在網上租車時,已經選擇左自動波車。
    左軑開車我無問題,但左較+棍波我都係唔想。
    右軑+棍波就一點問題都無,所以舊年去英國我都係租棍波車。

    回覆刪除
  2. 呢張雨霧中的海德堡城堡好好feel呀!

    回覆刪除
    回覆
    1. 但係我鐘意陽光下的海德堡多D!

      刪除