2013年12月8日 星期日

2013德國奧地利自駕遊Day1

2013德國自駕遊  遊德開始

Day 1 - 10月4日  星期五  晴

香港 - 法蘭克褔

住宿: NH Frankfurt City (79歐, 不包早餐, 大堂有免費Wifi)

星期四晚出發到機場, 坐零晨機去德國, 在check in時, 地勤空姐要求我們出示購買機票時所用的信用咭作核實, 我們有點奇怪, 因為從未試過這樣, 順便問空姐, 如果無帶又點呀, 佢話怕被人盜用, 如未能提供, 就要cancel張機票再買, 好彩有帶, 否則都唔知係咪好似佢咁講要重買
首程要坐八個鐘去杜拜轉機, 本來這程可以選擇A380, 但就要坐多二個鐘及出發時間不好, 所以無揀
去程架機好新, 坐位又夠寬, 個電視仲幾大

這程機有兩餐, 起飛後不久先派宵夜, 有個包及蛋糕, 落機前再派個早餐
到達杜拜後, 要等四個鐘轉機, 杜拜個機場都算幾大, 有二個Terminal可以行, 而且大部分Shop都已經開門, 終於到上機時間
第二程飛六個鐘, 只有一個午餐

準時一點幾到達法蘭克褔, 落機未行到過關櫃臺, 巳有關員在路中抽查及check passport, 而我們就只看一下passport, 沒有問問題, 到出境過關時, 排了不久, 就可以出境了

出境後, 先由Terminal 2坐免費Shuttle Bus到Terminal 1, 再轉乘S-Bahn火車到市中心, 機場Terminal 1是連接S-Bahn火車站口, 由於個人Day Ticket要8.9歐, 所以買了較平的Group Day Ticket (Gruppentageskarte) 15歐, 可供1至5人同時使用, 包括市內所有公共交通

落到火車月台時, 才發現這站只有兩個月台, 但看不到任何指示, 要問人才知去錯月台, 對面月台才是往法蘭克褔市中心, 要把喼搬上樓梯, 再去對面月台

至於今天的住宿安排相當頭痕, 要方便明天到Zeil Street取車, 又要考慮Frankfurt Main Hbf站鄰近紅燈區在晚上治安的問題, 最後選擇了位於Konstablewache站的NH Frankfurt City

Konstablewache站與Frankfurt Main Hbf站相距兩個車站, 由機場坐S-Bahn火車, 半小時內就可直達, 無需轉車, 在正確出口離開的話, 再行出大街就會見到NH Frankfurt City
今晚住宿的酒店離站口只有二百多米路程, 即相片中電車後面的大廈
酒店外觀
房間尚算寬敞及新淨, 講住就幾好, 不過個花灑就差啲, 開得大就唔夠熱, 細啲夠熱就唔夠力, 另外大堂Wifi就慢到幾乎用不到



安頓後就出發, 先去確定明天取車的地點, 經過鄰近Westin Grand Hotel時, 看到這裡的Sixt分店, 才醒起這裡也有Sixt分店, 不過之前為了可以盡早取車, 選擇了六點營業的Zeil街分店, 隨後就忘記了這間分店, 所以經過這裡都非常後悔當初沒有選擇它, 因為它的位置就在酒店一分鐘路程之內

由酒店行去Zeil街5號的Sixt分店, 約十分鐘, 它的位置應該在Hotel Zeil對面, 但是在Zeil街5號的大廈找不到Sixt, 唯有進入大廈向服務台職員查詢, 原來分店在大廈背面
之後就開始遊覽法蘭克褔, 由最繁忙的購物大道采爾街(Zeil)開始, 由街頭向西行
采爾街非常熱鬧, 有很多食店、商店及超市, 鄰近Hauptwache站及位於采爾街西邊入口的Galeria大型百貨公司, 它的頂樓是開放空間, 個景好似都幾好

St. Catherine's Church (Katharinenkirche), 可惜市內有很多工程及維修, 周圍都看到天秤


教堂內部

教堂對面的歷史建築物, 前身是警局, 現在是Cafe hauptwache


再去Hauptwache站附近的證券交易所, 目標是牛熊雕像(Bull and Bear Scultpure), 不過剛巧有嘉年華之類的活動, 所以周圍全是人, 還有幾個細路騎劫咗隻牛, 搞到想同隻牛合照都唔得, 唯有明早再來

跟著就行去搵歐洲中央銀行總部, 目標是總部前面個大歐羅標誌, 睇電視新聞就見得多, 難得一場來到法蘭克褔, 一定要去見下真身, 不過行錯路

終於見到個背面

正面

法蘭克褔市內電車

歐洲中央銀行總部附近一帶


之後沿緬因河(Main)畔返回舊城區的羅馬廣場(Römerberg)

羅馬廣場(Römerberg)的範圍很小, 廣場中央有座正義女神像

一邊是一排三座的舊市政廳(Rathaus), 中間的一座是Römer, 前身是羅馬商人的居所

另一邊是一排傳統德國木屋

羅馬廣場旁的尼古拉教堂(Nikolaikirche)



Frankfurt Cathedral (又名Dom或大教堂), 前面有個大地盤, 所以要和大天秤合照

大教堂的塔頂是觀景台, 可以眺望法蘭克褔市, 先在教堂旁的小屋買票


每人3歐
斜對面的小門口就是入口, 之後售票阿伯就會遙控開門

由旋轉樓梯直上, 估有幾百級, 樓梯非常狹窄, 如果同時有人上落都幾迫

到未呀? 就到喇! 你睇, 已經見隔離塔頂 !

喂! 仲未到呀? 就到喇! 你睇, 成條緬因河已經見到晒! 上多少少就到喇!

最後被問十多次, 亦答覆了十幾次"就到喇", 終於好辛苦上到塔頂



由高處望下的羅馬廣場

緬因河

河對面間教堂好似幾靚喎, 一陣會過去睇下

四周景色



由行人鐵橋(Eiserner Steg)行過去緬因河對岸

Historical museum


鐵橋上, 鎖滿連心鎖


過緬因河對岸, 是為去看看這座教堂, 回港才知教堂名字是Epiphany Church

從河對岸看大教堂


河的兩旁停泊了很多船, 原來部份是餐廳

Epiphany Church


行完已經六點, 而晚餐打算到兩間比較多人去的餐廳Zum Gemalten HausApfelwein Wagner, 跟教堂一樣在緬因河的同一邊, 離教堂約一公里, 所以直接步行過去, 兩間餐廳在同一條街上, 都是以蘋果酒出名


最後選了Zum Gemalten Haus, 其實睇過兩間都是很多人, 應分別不大

先點兩杯蘋果酒 (Euro 1.8/杯), 又唔凍又無氣, 覺得唔好飲, 叫做試過

餐廳內的人, 大部份都是點雜腸或German style pork chops, sauerkraut and bread (Euro 8.5), 似乎是Signature dish, 所以點了一份
因為諗住之後會好多機會食德國腸, 所以先避免選德國腸, 點了一個Beef shoulder blade, sauerkraut and bread (Euro 11.2), 原來兩個主菜的Style都好接近, 早知就點德國雜腸, 兩個主菜都係白烚肉, 賣相都幾差, 但個port chop就幾乎人人都叫, 味道不錯, 好有豬味, 個牛就麻麻地, 想試傳統德菜, 可以一試

間餐廳人來人住, 遲啲來都要等位





跟著就搭U-Bahn返去Hauptwache站, 周圍行下及去廣場影下夜景






本來打算搭車去法蘭克福站紅燈區行下, 最後都放棄, 決定早些返酒店休息, 準備開始明天的德國自駕遊

Galeria門外個黑洞都幾特別

熱狗先生
部份遊覽地點的位置


9 則留言:

  1. HI,我都加入左Blogspot! 之前係Yahoo Blog時已經支持你...而家繼續^^

    回覆刪除
  2. 很喜歡你的blog,資料豐富,照片也好靚
    我plan緊5月去德國南部,你個blog很有參效價值 thank you

    回覆刪除
  3. Hi!感謝你的分享,相片很漂亮,資料又詳盡。八月去德國,努力研究中。

    回覆刪除
  4. 法蘭克福我會在行程第九日到,到時都去呢間餐廳食晚餐先。

    回覆刪除
    回覆
    1. 試下塊豬肉同雜腸, 雖然唔算好食, 但係大多數人都係order呢兩味!

      刪除
    2. 謝謝你的溫馨提示。

      刪除