2013年8月26日 星期一

2013北海道自駕遊Day6

北海道芝櫻自駕遊  滝上芝櫻

Day 6 - 5月16日 星期四    陰

佐呂間 - 滝上公園 - 紋別市 - 上湧別鬱金香公園 - 佐呂間 (211km)

住宿: 海山美味の宿 サロマ湖悠林館 (27600円, 一泊兩食, 沒有上網服務)
部屋: 和室(ウオッシュレット)
房Plan: 祝!4/1~かに漁解禁プラン


今朝早餐的份量算是正常, 沒有晚餐咁多
主菜是燒魚、炸雞
有三款魚生
サロマ帆立貝湯
食完早餐, 就過去對面朝市海の市睇下
基本上, 好似冇人行咁, 中型的雪場蟹都是賣2500円左右
見沒有特別, 行咗一個圈, 就返旅館執拾及退房, 昨晚隻打包松葉蟹, 最後都是放棄沒有攞走, 因為就算帶去今晚旅館, 都係食唔晒

今日第一站是去紋別的滝上公園睇芝櫻, 滝上公園的入口
芝櫻就見不到, 但就見山頭有好多工作人員在除雜草
好多都好似快要開花咁
開花日期是.....
5月∞日, 無限大 !? 咁都好, 就算今次係5月尾來都未開
入咗入口之後, 見唔到有停車場, 所以隨便泊車就周圍行
見有條車路中間有未開的鬱金香
睇真啲, 葉底還有少少雪, 睇來呢度夜晚應該仲好凍下
公園個停車場原來在山上
要落去揸返架車上來, 公園地圖
隔離有芝櫻雪糕賣, 不過到離開時, 還未開舖
停車場附近有間手信賣店
景點: 滝上公園
地址: 北海道紋別郡滝上町字滝ノ上市街地4条通2丁目1番地
泊車處: 公園內有免費停車場
導航用的電話號碼: 0158-29-2111 
Mapcode : 570 699 352

今個旅行見到最多芝櫻就在這個公園入口位, 今日都係無料入場
再行上去公園右手邊的廣場
全部食店都未開
呢邊都有工作人員在除雜草
雖然未開花, 不時都有旅遊巴士到達, 不過佢地多數在入口位影幅相, 再入去賣店後, 就衝衝離開
我地兩條友就最俾面, 留咗大半粒鐘
返到門口呢個位, 就最多芝櫻, 再影多幾幅相就走人
走的時候, 無端端有人拍我們架車個窗, 原來是案內所的職員, 佢比咗啲名信片給我們作為留念

公園附近有間酒店及道の駅, 無嘢好做, 咁又停下
香りの里道の駅
跟著就去紋別海洋交流館的鄂霍次克塔(オホーツクタワー), 其實這裡不是太特別, 冬天來會較好, 因為有機會睇到流冰, 不過我們未去過紋別, 所以來睇下

景點: 海洋交流館 - 鄂霍次克塔
地址: 北海道紋別市海洋公園1
泊車處: 外有免費停車場
導航用的電話號碼: 0158-24-8000
Mapcode: 801-585-646
入到去, 周圍睇下, 原來呢度是坐碎冰船的碼頭, 之後見有幾個日本人去搵職員, 跟著個職員就帶著佢地來問我地係咪去邊到, 就係咁我地兩條友唔知會去邊就跟著一齊去, 最後個職員帶我地上咗架電車, 原來係去鄂霍次克塔, 如果行過去都幾遠下
落車後就沿路上去一樓, 經過個露天展望台, 出去望下, 不過好大風, 呢個就是鄂霍次克塔(オホーツクタワー), 冬季期間, 塔的周圍有機會被浮冰包圍
入返去, 穿過條紅色鐵橋就是鄂霍次克塔一樓, 一樓有少量展示品, 賣店及Reception, 只參觀這層是不需要入場費, 如要繼續參觀B1, 二樓及三樓, 就要入場費, 每位800円
見一場來到, 就入場參觀下, 今次是個旅行第一次比錢入場
首先去B1(海底階) - 海中展望, 可以看到不同品種的魚放在水糟內
可以用手摸下海星
放隻手入去, 啲魚會幫你咬走死皮
仲有天使魚
海中的窗可以看到鄂霍次克海, 不過乜到睇唔到, 應該是在冬天睇流冰
臨走時隻魔鬼魚突然游上來, 真係成隻鬼咁
2樓是展示流冰資料
3樓是展望層及輕食店
之前同我們一齊來的日本人一早走晒, 成個Tower, 只剩下我們兩條友, 所以走時, 要叫職員call返架電車來接我們返去碼頭
再在碼頭行下, 呢架就係碎冰船
海洋交流館前門及後門
對面有間海豹館, 入場費只是100円
如果時間啱, 還可以体驗餵海豹, 每逢十點半, 十一點半, 一點半, 二點半及三點, 剛剛錯過一點半嗰場
附近有隻碎冰船展品, 船頭有四個大鑽頭
見到對岸有隻大蟹鉗, 揸車過去望下
隻大蟹鉗就在鄂霍次克道の駅附近
有隻鷹停在蟹鉗頂
對岸是鄂霍次克塔
道の駅.オホーツク紋別(鄂霍次克道の駅)
慢吞吞咁玩, 差不多成兩點幾先去食午餐, 去咗味処あづま, 去到門口睇下個午市餐牌有咩食, 只見到寫住到兩點半止, 導航用的電話號碼: 0158-23-3049
吓, 仲有三分鐘就二點半, 就馬上入去問仲有沒有午餐, 老板都不禁望下個鐘, 諗咗一陣, 就講只係得返牛肉飯, 我們就點了兩個牛肉飯, 真係有啲唔好意思, 看似午市巳完, 他們正在準備晚市的食材

店內就只有一對老夫婦及一位女士, 似是他們的媳婦, 熱辣辣的牛肉飯套餐, 只是500円, 又抵食又好味
本來順路的話, 應該住在紋別會方便好多, 不用走回頭路, 但最後都是揀唔啱, 所以今晚選擇住返サロマ湖一帶, 原路返去時, 經過鬱金香公園, 由於天氣無昨天咁差, 所以再入去行多轉
都有幾棵鬱金香睇下
湧別町附近一帶的景點
今日是道東最後一日的行程, 所以我們一路行都有傾下究竟會唔會再來睇芝櫻及鬱金香, 因為今次可以話係完全唔啱時間, 點知臨走時就見到佢, 玩嘢咩!?
沿途又去一去今次道東行程去得最多的地方 - 道の駅, チューリップの湯道の駅, 呢個道の駅仲有個湯, 今日是藥草湯, 似乎個湯會間中轉款 
隔離有個火車展覽館
今晚住宿的地方, 就在サロマ湖道の駅後邊的悠林館, 選擇它的主因是它於Jalan.net的網上食評是較高分, 到達旅館時, 就只得老闆一人, 而今晚的住客亦只有我們兩位

Check in時, 老闆先安排選定食飯時間, 再介紹旅館設施及房間, 今晚房間是在地下, 對面就是浴場, 相當方便, 而房間是和洋式設計, 應該是被升級了, 進入房間先看到有兩個電火爐
房間分兩邊, 右邊是睡房
左邊是客廳, 相當寬敞及新淨
浴室還有按摩式花灑, 不過唔知點解無熱水
小食
浸完浴之後, 就在旅館入面行下, 外面越來越大霧
Front Desk
大堂休息區
一樓休息區
到晚飯時間, 就去食堂開餐, 入到食堂, 就見到火爐上的燒魚
首先出場是帶子剌身及兩只松葉蟹, 一生一熟, 刀法好好, 生嗰隻蟹仲識郁
老闆亦兼任廚師, 先講解食法及叫我們先吃刺身, 刺身好新鮮
熟蟹就OK啦, 好多膏
野菜沙律
炭燒地雞
燒帶子
焗南瓜
食完個剌身, 個隻蟹蓋及鉗就會用來煮湯
食事處
食飽又周圍行下, Front Desk
大堂休息區有個大火爐
呢到好舒服, 好寧靜, 只係聽到燒木聲
返入房就見到生果、甜品及夜消巳經放在枱上, 應該是老闆在我們食晚飯時送入房的
跟著再去浴場浸下, 呢間旅館都幾好, 今晚住得幾舒服, 唯一缺點是今晚得我們兩位客人, 老闆不時過來招呼及交談, 所以食得有啲唔太自在
浴場


沒有留言:

張貼留言