2013濟州賞櫻自駕遊Day1上

濟洲賞櫻自駕遊  濟州櫻花

Day 1 (上) - 2013年3月26日 星期二  密雲

濟州市 - 濟州大學 - 城山日出峰 - 涉地可支 - 城山 (81Km)

住宿: Areumdaun Resort (HK$812 包早餐及免費WiFi)


今日坐零晨兩點幾釜山航空出發到釜山, 機上只提供蛋糕及飲料 

準時六點多到達釜山金海國際機場, 六點半已經通過海關及領回行李, 之前還擔心不夠時間轉7:45機去濟州, 機場外還看到日出

首先行去隔離的國內航線大樓Check-in, 再轉釜山航空去濟州

釜山金海國際機場

坐07:45航班

入閘後, 就坐接駁巴士上飛機, 但巴士在飛機場駛來駛去, 又停下等下, 攪了廿多分鐘後, 又駛回候機室閘口, 坐我隔離個韓國大叔開始發作, 駡過不停, 落車時就問下職員乜事, 佢就話Maintenance, delay, thirty minutes, maybe..., 返到候機室, 韓國大叔繼續就向職員駡過不停, 職員都無乜反應, 最終遲咗個幾鐘, 先可以再上機, 個韓國大叔就駡到差不多再上機先停

原定8:45到達, 現在差不多遲了兩小時, 先去Gate 2隔離的Avis櫃臺登記, 職員首先檢查一下文件及車牌, 然後就叫我們到門口坐Shuttle Bus到辦公室辦理手續及取車

韓國人可能好鐘意心形裝飾, 連Avis的Shuttle Bus都有心形圖案

在辦公室搞好手續後, 職員就會講個Parking No你知, 自己去出面車場取車, 取車後再揸到門口就另有職員同你check車, 不過當我們問他怎樣用GPS時, 他就要叫另一個較為年青的職員來, 他亦只能用有限的英語來講解及示範, 不過也能明白

原本上午的行程是先到Emart行下買零食及飲品, 再去濟州市的漢拿樹木園, 綜合競技場及濟州大學快行睇櫻花, 然後再去朝天雞肉料理店食午餐, 由於比原定時間遲了, 所以先去綜合競技場, 可惜韓國觀光網所提供的電話(728-2574), 未能正確導航至目的地, 駛了一會兒也找不到, 就決定去濟州大學, 其實在濟州市及往濟州大學沿途都可看到少量櫻花樹

大約正午時份到達濟州大學, 駛入大學後, 起初也找不到櫻花的蹤影, 還有點擔心去錯地方, 駛了一會, 才看見遠處有兩塊草地, 傍邊種滿了櫻花樹

可惜這裡的櫻花樹剛開花, 大部份還是花蕾, 加上天色灰灰濛濛, 遠看就不太吸引

近看的話, 比較靚

景點資料: 濟州大學 (제주대학교), 根據網上資訊, 濟州大學附近的一條馬路也是賞櫻地點
地址: Jeju National University,102 Jejudaehakno
泊車處: 學園內有很多車位
作導航用的電話號碼: 754-2114
櫻花樹的位置: 下圖紅色方格

跟著就去城山日出峰, 接近城山時, 會經過幾遍油菜花田

油菜花田要入場費, 每人1000韓元, 選擇了一個較大的油菜花田

可以行入花田景相

還有其它Photo Point裝飾, 有假柑圈

心心架

草屋

大手掌....D裝飾都幾.....

駛前少少, 有處地方叫Tuginmoke, 在這裡可以看到城山日出峰的遠景

對面又有幾個收費的油菜花田, 花田好像比剛才的大一點, 又在海邊, 觀景可能好一點

以上兩處油菜花田的大約位置

把車泊在日出峰停車場後, 就去吃午餐, 原本是安排在濟州市食炒辣雞, 但因航班延誤, 所以才改去日出峰的石頭熊海鮮火鍋店(곰바위) 吃午餐, 在網上看到很多台灣Blogger推介它的豆腐海鮮鍋, 本來晚餐才安排到這食店, 可惜去到時, 巳變成了Starbucks, 真係O晒嘴, 乜韓國食店, 都一樣會被連鎖集團取代

在沒有頭緒下, 隨便去了另一間食店, 這裡一帶的食店都是大同小異, 以食海鮮鍋為主

只是叫了一個鮑魚海鮮石鍋湯(w16000)及海鮮蔥餅(w15000), 又貴又唔好食, 食完先醒起預備了第二選擇 - 城山食堂, 今日真係亂晒大龍呀

有幾個本地人都叫這個牙帶魚餐, 早知就試佢