2012年7月7日 星期六

2012冰島自駕遊-前言

冰島自駕遊及倫敦之旅 - 前言

早在上年中, 巳經計劃八月去冰島及倫敦旅行, 可惜倫敦住宿未能確定及其它因素, 最終更改了目的地為塔斯曼利亞, 今年初, 見國泰有平機票去倫敦, 這樣就確定了今年冰島及倫敦之旅, 而準備工作亦向以下各方面展開


旅行日期
今次選擇六月初去冰島, 是基於以下考慮因素 
1. 冰島一般旅遊旺季是在夏天, 即是由五月中至八月下旬, 日照時間較長, 可以多些時間玩, 在旅行期間基本上沒有天黑, 簡直是24小時白天
2. 根據網上資料,五至七月是一年中, 好天的日子比較多及雨量較少 
3. 六月初, 剛剛是旺季開始,又未到暑假,住宿及機票都可以平少少 
4. 六月初, 有些租車公司還以non-peak價格計算 
5. 六/七月時, 還是看Puffin Bird的好時機
(Photo from Local Guide)

行程 
今次除了我們二人之外, 還是首次有朋友(夫婦二人)加入, 而他們只參與冰島行程及最多停留十天, 所以自駕環島遊行程會以九天為基礎, 並以逆時針方向進行

航機 
在香港去冰島是沒有直航的, 大部份人都會選擇以歐洲城市作中途轉機站, 經過資料搜集, 如果只停留冰島, 我們認為最方便及經濟的航班是KLM, 航班時間亦都理想,  約晚上十一點由香港出發, 清晨到達阿姆斯特丹, 再轉到去冰島國際機場約下午三時到達, 但最美中不足之處是, 中途轉機時要等足八小時, 以及不可以出境, 只可以留在禁區內消磨時間, 另外如選擇平日出發往返, 價格亦更平, 我們的朋友就是選擇乘KLM到冰島

由於我們會停留倫敦, 所以在倫敦轉機, 一般有二種選擇, 乘IcelandAir由Heathrow出發或者乘Iceland Express由Gatwick出發 (現在好像多了其它航空公司選擇), 我們選擇IcelandAir因為方便去程在Heathrow轉機, 還有在購買Icelandair機票時, 我們有以下發現, 有興趣的人士可以作為參考
1. 機票越早買, 就會越平
2. 去程星期五晚上出發最貴, 而回程一般早上比下午出發貴 
3. 最奇怪的是買來回機票, 會有機會比分開往返單程購買較貴

租車
只集中選擇和比較幾間較大的車行, 它們句括Axxs, Hxxxz, Bxxget, Exxxxcar, Thxxxxy, 最後選擇了Thxxxxy, 原因是價錢, 六月十六日前取車, 會以non-peak價格計算

車種
由於冰島有些道路是碎石路, 亦有Mountain Road(道路編號是以F加數字, 例如F985)但只限四驅車才可使用, 所以部份人建議租用四驅車, 而在參考網友的遊旅分享時, 亦偶有看見發生交通意外, 考慮到安全及尾箱空閒因素, 就算連旅行車款也擔心沒有足夠空位, 我們就決定了租用四驅車種最初預定了Ford Escape四驅車, 因為估計尾箱空間足夠放四個26"的行李箱, 不過在出發前一個月, 見到它的網址更生了, Ford Escape改為Ford Kuga, 有新車款當然好, 可惜尾箱細一半有多, 所以聯絡它們可否確保安排Ford Escape, 答案是"do our best.....otherwise we have Kuga" 最終唯有加錢upgrade去Ford Explorer, 以確保有足夠空間放行李箱, 9天租車價錢亦由€891增加到€1188
旅程完結之後, 我覺得如沒有特別需要或不使用Mountain Road, 即無需使用四驅車, 反正大部份都是石屎路, 在冰島駕駛, 最大問題或值得注意地方應該是: 
1. 左軚 - 對我來說是最大問題, 我就試過幾次行錯線, 要友人提示, 還有一次在迴旋處入錯方向, 好在當曰是清早及星期日, 沒有車, 相反有車的話, 其實入錯線機會低一些
2. 路肩 - 太窄或跟本沒有路肩, 所以太貼邊行駛或一不留神, 就有機會出意外甚至反車
3. 強風 - 小心強風出現, 可以令車偏離行車線引致意外

車保
分CDW, Super CDW and Grand CDW, 基本車租包含CDW, 我們選擇了Grand CDW, 亦即是最大保障那種, 因為去旅行最重要係安全及安心, 況且今次有多兩位朋友一齊去, 每天價錢是€23, 9天共€207, 超過10天一律以10天計算

GPS
用iphone Nav4D apps的三十天試用版, 費用USD4, 基本上準確度都不錯, 只有小部份地方不能找出最短及合適的道路, 以這個價錢, 我覺得非常抵用

入油
在一些偏遠的地區, 有些油站可能是無人管理的, 所以網上主流的建議, 是用有4個位密碼的信用咭, 或是購買N1油站的預付咭, 但在香港4位密碼的信用咭並不普及, 所以我們只選用N1預付咭, 預付咭可以在N1油站購買, 並以信用咭付款, 而預付咭亦可以在油站購物, 在今次的旅程,只在一間Olis油站加油及以信用咭在收銀處付款, 其餘都在N1油站以預付咭自助加油, 基本上沿路都會一定有N1或其它油站, 如果小過半缸油就要作好加油準備, 就應該無問題

冰島電話咭
朋友在IcelandAir航班機上買了Siminn Prepaid card, 可以打電話及上網, 足夠一般使用, 費用€12, 我們就用Roaming但部iPhone就停了Data, 防止Nav4D (GPS apps)會意外上網

住宿
主要選擇有獨立洗手間及價錢因素, 但留意有些酒店在120日前預定, 會有20%折扣, 而我們大部份的住宿都是經由booking.com預定的

冰島貨幣
如網上資訊一樣, 基本上所有地方都收信用咭, 我們只用€100兌換冰島貨幣, 作為傍身之用

8 則留言:

  1. Hi, O黎緊9月我都會去冰島自駕遊呀, 正煩惱緊信用卡無4-pin code, 唔知入油點算, 你呢篇blog 好有用呀, thanks a lot!

    回覆刪除
  2. 你好,本人9月頭會到冷島,在網上聽說住宿很緊張,但本人行程還未能確定,想請問一下如去到一路玩再一路找住宿可以嗎?
    [版主回覆08/29/2012 00:46:13]Hi, 你個問題好難答呀! 不過咁玩法係最正, 我覺得事前做好準備功夫, 每個地方揾定一些住宿資料及电話, 加上9月不是旺季, 應該可行的.

    回覆刪除
  3. Hi, 你個問題好難答呀! 不過咁玩法係最正, 我覺得事前做好準備功夫, 每個地方揾定一些住宿資料及电話, 加上9月不是旺季, 應該可行的.
    [版主回覆08/29/2012 20:50:20]第一次自駕就咁勇呀! 勁! 順帶一提, 要注意以下情況
    1. 住宿的Frontdesk的時間, 有部份只係開去到18点, 之後要電話聯絡
    2. 有些Guesthouse及Hotel, 只在暑假時門運作, 否則有機會摸門釘
    3. 不要低估揾住宿的時間
    [西瓜頭回覆08/29/2012 02:00:56]謝謝你的回覆,因第一次自駕遊,只怕掌握不好駕駛時間令行程有誤,所以BOOK旅館這方面確實令我頭痛

    回覆刪除
  4. 謝謝你的提點,希望盡量在出發前安排好住宿

    回覆刪除
  5. 嘩, 我好鐘意冰島架, 好想再去, 宜家要追晒你個冰島篇止住渴先
    [版主回覆10/10/2012 23:45:35]我地都好鐘意冰川, 所以在冰島行咗兩個, 可能驚天氣暖化, 遲D再見唔到冰川.
    [Venus回覆10/10/2012 22:27:49]唔好講話參考, 只係想分享下, 同埋為自己做旅程記錄, 歡迎你瀏覽呀
    我o係你個blog見多左好多景點, 最鐘意睇冰原健行, 因為時間比較趕, 所以冇join到團, 睇完覺得大開眼界呀
    [版主回覆10/10/2012 20:30:34]冰島真係好靚, 有機會希望可以再去!
    望下你個Blog, 嘩!! 原來你都去過好多地方玩喎!! 等有時間再慢慢睇下同參考下先.
    [Venus回覆10/10/2012 18:38:38]仲有easyjet有飛冰島, 所以感覺上機票價格比以前平左, 哈哈, 希望佢地會鬥低價啦

    回覆刪除
  6. Siminn Prepaid card好? 請問有無試google map導航?如不用租車公司GPS,OK?
    [版主回覆05/10/2013 00:17:59]1. Siminn card OK, 朋友成個Trip都用它上網及打電話
    2. 主要用iphone Nav4D apps, 用過google map一小段, 因為Nav4D apps有一小段路locate唔到, 所以要用google map去verify
    3. 我用iphone Nav4D apps都係唔想比太多$租GPS, 用Google Map 又怕上網費貴, 所以先用Nav4D apps, 我覺得點都要有GPS先至安心, 問題係租定用電話, 在Iceland, Google Map 及 租車公司GPS, 我都冇太多經驗, 比唔到Comment!

    回覆刪除
  7. 請問Siminn電話卡可以打回HK,咁上網係任上定有分鐘限制
    [版主回覆07/16/2013 19:24:49]可以打返HK, 張prepard Sim有ISK2000元, 可打IDD及上網, 直至用晒預付錢

    回覆刪除