2012年5月13日 星期日

紐西蘭自駕遊 Day 13

紐西蘭自駕遊  Waitomo Black Water Rafting

Day 13 - 12月3日 星期五   多雲

Auckland - Waitomo - Mt Eden - Auckland (401 km)

住宿: All Seasons Auckland (NZD 188.6 for 3 nights)


今日安排揸車去Waitomo, 準備參加Black Water Rafting, 這個活動除了可以玩Water rafting外, 還可以睇洞穴內的螢火蟲, 首先去Avis攞車, 經過Sky Tower仲見到有架車吊在牆外
去到車行時, 職員就同我們辦理手續, 我們還跟他說訂了GPS, 他還有趣地跟我們說去搵個好的給我們, 但轉頭佢就同我們說, 個GPS壞了及沒有其它, 我們當然唔想無GPS, 而且又一早預訂了, 叫佢再搵下又或者問下其它分行, 搞咗一輪都係話無, 又問我們想去那裡, 話好容易, 指著張地圖教我們由這裡咁咁咁行, 就去到Highway, 就OK喇, 佢講就易, 無GPS靠睇地圖, 會好用神, 如果行錯路, 就浪費時間, 最後都要接受無GPS, 今次租了一架1300cc Corolla, 日租NZD118
好在之前有印定相關的路線圖, 再加上職員比的Auckland地圖, 都好快就去到Highway入口, 之後就跟路牌向Waitomo方向出發, 二個半小時左右, 約十一點到達Waitomo的Black Water Rafting Co就立刻報名, 但職員說下一個Tour在十二點出發, 巳經滿額, 所以參加了一點半的Black Labyrinth Tour, 行程約三小時(實際只得二個小時多少少), 有九折Coupon, 每位費用NZD103.5, 另外唔識游水都可以參加這個活動
Tour包螢火蟲博物館的入場卷, 所以就揸車去睇下, 博物館就在Waitomo的iSite內
原來紐西蘭的螢火蟲和我們所認識的是不一樣, 是一條像蠶蟲的蟲
睇完就揸車四處行下, 經過Waitomo Hotel
跟著就去Waitomo Glowworm Caves睇下
這裡有三個Cave Tour, 除了Glowworm Caves是坐船睇螢光蟲的Tour, 還有Ruakuri CaveAranui Cave
這裡周圍都見到紐西蘭的國草Ferns
在遊客中心的Cafe食午餐, Order完食物就會比個Call機你, 個Call機一嚮就表示食物已經準備好, 可以到Counter取
午餐是Pizza一個
食完就返去報到, 見時間還未到就在櫃臺附近等下, 但到了一點半還未見召集, 就問下櫃臺職員, 剛好有個穿著潛水衣的人行過, 職員告訴我們剛剛行過的就是我們的Guide, 叫我們坐下先, 個Tour快要開始, 之後見個潛水人又咬住個飽行來行去, 又去飲下咖啡, 又同人吹下水, 不過見其他人都係咁等, 就繼續等, 不過我們就對這樣安排就有少少唔高興, 其實等下係無所謂, 但佢地應該要通知聲等大家知道, 最奇怪係好多活動都係咁而又無人出聲

最後到一點四十五分, 個Guide先開始召集我們briefing, 及到外面的小屋, 安排我們穿潛水衣及膠鞋, 還好的是個Guide會幫大家用各自的相機影下相, 在紐西蘭第一次見有咁嘅Services, 真係少見, 出發前來一個大合照
中途所拍的合照
個Tour有兩位帶Guide, 一個帶頭一個跟尾, 其中一位會負責沿路影相, 穿著好裝備及放好貴重物品後, 就坐Shuttle到Cave去, 到達後, 每人會分派一個車軚水泡, 之後個Guide會教我們如何使用水泡跳入水中, 一開始就在這裡以背跳方式用水泡跳入水, 然後就一個跟一個飄入山洞, 除了手掌會覺得凍, 身體及手腳的感覺都還可以
入到山洞就要開頭頂電筒, 之後有時就坐水泡飄下, 有時就行下, 水就不太深, 最高都係到腰位置左右
中途會有兩至三處睇螢火蟲的地點, 當大家關了電筒後, 周圍都漆黑一片, 就會見到洞頂滿佈一點點的黃光及聽到流水聲, 非常美麗
在山洞內, 間中又要跳下水
中途會停下休息, 個Guide會派朱古力比大家補充體力
最後就飄返到另一個出口
跟著就坐Shuttle返去沖身換衫, 還有熱飲及麵包提供, 最後當然是等購買Tour的相, 整個Tour的相片會燒錄在光碟內, 每張光碟NZD20, 內有大約二十幾張Tour相, 但大部份相片都是鬆郁蒙, 以及十幾張公司相, 以上六張相及第一張相也是他們的公司相片

約四點鐘就揸車返Auckland, 但計劃先順道去Auckland的Mount Eden行下睇下火山口, 不過因為無GPS, 要花多一些時間才能找到上山的路
遠處的長石柱是Auckland One Tree Hill
可以看到Auckland的Sky Tower
火山口
之後就把車泊在租車公司所在的大廈停車場, 方便明早還車, 夜泊收費NZD6一晚, 返到酒店已經差不多天黑, 最後去了食日式拉麵, 但原來又係韓國人開的, 似乎有很多韓國人在Auckland居住, 因為時常看見韓國人


1 則留言:

  1. 那個螢火蟲洞的確很美,有機會的話也可以到Rotorua泡溫泉~~ ^.^
    [版主回覆10/10/2012 20:34:11]如果有機會再去就去試一試

    回覆刪除